ကုင်တအာင်း၊ လှံင်အေဲမ်ခြီရ်၊ လှံင်အိုမ်ယ်ုရ်၊ လှံင်ရူကော၊ လှံင်အိုမ်ငျံရ်၊ လှံင်အေဲမ်ငူည်၊ လှံင်မိူင်းငေါှ ကာည်း လှံင်မိူင်းလိုင် ဂေါႇမိုႈက္လာည်းဒါင်းတောန်ဆငည်း ဒေင်လူလှဲဝ်ႏမာ်မိူဝ်ႈ ဂေါႇဘည်ဒီန် ပ္လိုတ်ဆဒိ ကဆီုဝ်ကူန်ရဝ်မာဂါင်အယ်ဂဲ ဂေါည်ခေဲင်ကုင်တအာင်းနီန် ဆမွံတ်အယ်ဒါရဒေင်ရအာည်ႇ စိလေႈဒေင်။
ဒီရ်;ကဇေန်နီး
ကုင်တအာင်း ၊ အိူင်မာန်အောမ်၊ ပလှံင်နံမ်ဖဲတ်ကာဆဲင်ကယ် ကာည်း ကားတာင်ကူမ် (1)ကြောင် ပဲန်ကဒူႈ ဟာဝ်းဘည်ဒီန် ကညားအီဘဆဲင်ကယ် အီမိုႈ ကောန်ဆီုက် PSLF/TNLA ဖုင်ဒံန်ခြဲတြားဉပဒေ (1)အီး ယံမ်းဟာဝ်းအောႏ။
ကုင်တအာင်း ၊ အိူင်အိုမ်ယ်ုရ် ၊ ပလှံင်နောင်ချေဲဝ် ၊ ခေဲင်ရဝ်ဆမ္မဆဲဒီန် ဂေါႇပ္လေဒါင်းပဴင် ဆီုက်ဘြာန်ဂဲ စီဇောႈပဒူႈလံက်ဟာဝ်း တိုအီရဝ် (3)အီး ကတူႈဖေးဆဝ်းအောႏ။
ကုင်တအာင်း၊ အိူင်အိုမ်ခြိုင်၊ ခနားမူစယ် ကာည်း နံမ်ဖဲတ်ကာ ဒီနံင်လေႈဂေါင်ပါင်စရောပ်ဒီန် ကားအီတာင်ဒေဲႈကူမ် ကပျာဝ်းဆဘေ အူကြောင် စီပဲန်ကပ္လါႇဟာဝ်း ကောန်အီပ်ုန်အီတောႇဒေဲႈ ခေဲင်ကား(1)အီးမာ် တတူႈဟာဝ်းဖေးဆဝ်းအော
ကုင်တအာင်း၊ အိူင်မာန်အော်မ်၊ လှံင်အေဲမ်ခြီရ်၊ ပရဝ်ကိုင်ဆာ အခိင်ဂဲပတံက်အူန်းငံရ်တေန်းတဖြား ငံရ်စီဇူႈဒေကဆူမ်းဟာဝ်းဂါင်(1)ဂါင်အောႏ။
ခေဲင်ကျံရ်အူကိူရ်နီန် တံပ်အွံရ်ပ်ုန်လောတ်ကပီုန်တအာင်း PSLF/TNLA တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ လေႈဒေင်လံပ်တခေါရ် ဟာဝ်းဒဲႈဓါင်ပနော လောင်ပိင်ငျာ တကူန်ရဝ်မာဂါင် ခေဲင်ရဝ်(9)ရဝ်အောႏ။
ပ်ုန်ဒီရ်;ဂီုန်း
