ကုင်တအာင်း၊ လှံင်အိုမ်ယ်ုရ်၊ ခမိုကျောက်ဖြူဒါင်း ရဝ်ကျောက်ဖြူ၊ ရဝ်ကျောက်ခေါင်း၊ ပ္လေါင်ဘြာန်၊ ရဝ်ဆိုရ်အိုည်ကိူရ်ဂဲ ကစုကပိုမ်ရဲင်ဘ္လောမ်ဒေ လှံင်အိုမ်ယ်ုရ်၊ ဇံင်မာန်မိုင် ကာည်း ရဝ်ဆိုရ်အိုည်ကိူရ် ကူန်ရဝ်မာဂါင်ဂဲ ကစုကပိုမ်ရဲင်ဘ္လောမ်ဒေ ဘြဲဆာဒေင်ကောန်ကရီတ် ဒီလူလှဲဝ်ႈ ႎီရ်ပျိူဝ်ႇရာင်ဒေ။
ဒီရ်;ကဇေန်နီး
ကုင်တအာင်း၊ အိူင်အိုမ်ယ်ုရ်၊ လှံင်နောင်ချေဲဝ်၊ ဇံင်ဘူတာ(5) တပြောကျောင်စဝ်ကတ်တီပီင်ဒီန် ယာမ်ကျံရ်(11) ဆငည်း(2) အခိင်ရမှိူဝ် (8)နြီဒိူန်း ဂေါႇဆီုက်ဘြာန်ဂဲ ဒါဂျဲက်ဖ်ုက်တာ ရောတ်ဒေပ္လေႈ ပ္လေထာန်ဇံန်(500) ကာည်း ပ္လေဘျုင်(2)ပိုင်း ဂါင်ကူန်ရဝ်မာဂါင် လူလှဲဝ်ႏဟာဝ်းအောႏ။ ဂေါႇဆီုက်ဘြာန်ဂဲ ကယေင်ပဲင် ဒီဂေါည်ကူန်ရဝ်မာဂါင်ဂဲဘည်ဒီန် စီလံက်ဟာဝ်း ဂါင်(7)ဂါင် လူလှဲဝ်ႏဟာဝ်း အာဝ်းမိူဝ်ႈမလံက်တိုအီးအောႏ။
ကုင်တအာင်း ၊ အိူင်အိုမ်ယ်ုရ် ၊ ပလှံင်နောင်ချေဲဝ် ၊ ရဝ်ဆမ္မဆဲဒီန် ဆီုက်ဘြာန်ဂဲ ဒါ ဂျဲက်ဖ်ုက်တာ (3)လိူဝ်ႈ ရောတ်ဒေဲႈပဴင် ပ္လေဘျုင် (6)ပိုင်း လံက်ဟာဝ်း တိုအီးရဝ် (3)အီးယံမ်း ၊ (6)အီးကတူႈဖေးဆဝ်းအောႏ။
ကုင်တအာင်း၊ အိူင်အိုမ်ခြိုင်၊ ဆီုက်ဘြာန်ဂဲ ဒါဂျဲက်ဖ်ုက်တာ (2)ကြောင် ရောတ်ဒေဲႈပဴင် ပ္လေဘျုင် (8)ပိုင်း ခေဲင်လှံင်အေဲမ်ကိုက် ပဇံင်(2)အောႏ။
ပ်ုန်ဒီရ်;ဂီုန်း
