ဘိူည်ဒါႈဇံင်ပ္လေါည်ကတီုက်ကပဴင်မာ် ဆီုက်ဘြာန်ဇေဝ် ဒါယာန်ပ်ုရ် ပဴင်ပ္လေဘျုင် ထာန်ဇံင်(250) (1)ပိုင်း ပရဝ်ဟိုခို လှံင်နောင်ချို၊ အိူင်အိုမ်ယ်ုရ်။

ကတီုက်ကပဴင်မာ် အာဝ်မိူဝ်ႈ မိုႈလိူည် ပဲန်ကယေင်ဒါင်း ဆီုက်ဘြာန်ဇေဝ်ဂဲ ဒါဒရုန်း ရောတ်ဒေပဴင် ပ္လေဘျုင်(3) ဒီဘိူန်းဘြောင်ချှာင် တံပ်အွံရ်ပ်ုန်လောတ်ကပီုန်တအာင်းPSLF/TNLA ပလှံင်နောင်ချို။

ခေဲင်ကုင်တအာင်း၊ အိူင်မာဝ်းႎံင်း၊ လှံင်နောင်ချှို၊ ကျံရ်ဖံန် ဆငည်း(14) အခိင်စူမ်အံပ်(4:30)နြီဒိူန် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ဘိုး ပ္လေဘျုင်ထာန်ဇံန်(250) (2)ပိုင်း။

ဆီုက်ဘြာန်ဇေဝ်ဂဲ ဒါယာန်ပ်ုရ် ပဴင်ပ္လေဘျုင် ပလှံင်ရူကော ကာည်း လှံင်ကုင်ငှေါ ခေဲင်ကုင်တအာင်း။

ကုင်တအာင်း၊ အိူင်အိုမ်ႎံင်းမာဝ်း၊ လှံင်ဆဘော၊ ကောန်အီမာည်း ရဝ်ကိုင်ဆိုင်အူအီး ငျားဒေညဲ့မဲင် ပ်ုန်တီႇအူန်း ဆီုက်ဘြာန်ဇေဝ်ဂဲ ကတူႈဘာတ်ဒါင်း။

ဒီဘိူန်းဘြောင်ချှာင်လှံင် တံပ်အွံရ်ပ်ုန်လောတ်ကပီုန်တအာင်းPSLF/TNLA ဂေါႇ မဲင် ကာည်း ‌ပ္လေဒါင်း အီညံမ်ပဒူႈ တိုအီးရဝ်(1)အီးယံမ်း၊ တောပ်ဘိုး ကောန်ကညောမ်(4)အီး ကတူႈဘာတ်ဒါင်းအောႏ။

ဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲႈပဴင်ဘိုး ပ္လေဘျုင်မိူဝ်ႈကော်င် (27)ပိုင်း ကာည်း ပ္လေဘျုင်(8)ပိုင်း ပလှံင်နောင်ချှို၊ အိူင်မာဝ်းႎံင်း၊ ခေဲင်ကုင်တအာင်း။

ဘည်ဆီုက်ဘြာန်ဇေဝ်ဂဲ ပ္လိူရ်ႈလေႈ ဒါႈဇံင်းကတီုက်ကပဴင် နိုက်(20)ဆငည်းနီန်း ဂဲဒါဘိုး ယာန်ပ်ုရ်ရောတ်ဒေဲႈပဴင် ပ္လေဘျုင်(2)ပိုင်း ပရဝ်အုမ္မတီး၊ လှံင်နောင်ချှို၊ အိူင်ႎံင်းမာဝ်း၊ ခေဲင်ကုင်တအာင်း။

ကုင်တအာင်း၊ အိူင်အိုမ်ယ်ုရ်၊ ကျံရ်ကိူရ်အူ ဆငည်း(16) ဒိူန်း တီုင်တံပ်ဆီုက်ဘြာန် ကာည်း တံပ်နာန်းတအာင်းTNLAဂဲ ပဲန်ဟာဝ်း ကတီုက်ကပဴင် ဒီတံပ်ဆခါန်း (354) ကာည်း တံပ်ဆခါန်း (902)အောႏ။