ကုင်တအာင်း၊ ခေဲင်ကျံရ်(4)နီန်း ဂေါႇ မဲင် ကာည်း ပ္လေဒါင်း တိုအီးရဝ်(1)အီးယံမ်း၊ တောပ်ဘိုကောန်ကညောမ်(4)အီး ကတူႈဘာတ်
03 May 2025
ကုင်တအာင်း၊ ခေဲင်ကျံရ်(4)နီန်း ဂေါႇ မဲင် ကာည်း ပ္လေဒါင်း တိုအီးရဝ်(1)အီးယံမ်း၊ တောပ်ဘိုကောန်ကညောမ်(4)အီး ကတူႈဘာတ်
ကုင်တအာင်း၊ ကျံရ်(5)၊ ဆငည်း(1)
ဒီဘိူန်းဘြောင်ချှာင်လှံင် တံပ်အွံရ်ပ်ုန်လောတ်ကပီုန်တအာင်းPSLF/TNLA ဂေါႇ မဲင် ကာည်း ပ္လေဒါင်း အီညံမ်ပဒူႈ တိုအီးရဝ်(1)အီးယံမ်း၊ တောပ်ဘိုး ကောန်ကညောမ်(4)အီး ကတူႈဘာတ်ဒါင်းအောႏ။
ပလှံင်ဆဘော၊ ရဝ်တုံစင့် တာထူန်းထူန်း (ဒါႈ) ဘိူန်းအဆာက်(50)ဆန်ုမ် ဘံန်ဟောည်ႇဒေဲႈ ကျံရ်(4)၊ ဆငည်း(16) ဒီဂေါည်ပျီမ် ဆီုက်ဘြာန်ဇေဝ်ဂဲ ပတံပ်ဆခါန်း ခလရ(23) အ်ုန်စိဟာဝ်းပဴင်ဆီမ်း ဘိူန်းဒေညဲႇမဲင် ဇိူင်အူကဒါႇချူမ်ဟာဝ်းအောႏ။
ဘံန်ဟောည်ႇဒေဲႈ ကျံရ်(4)၊ ဆငည်း(18) ပလှံင်မိူင်ဘော်၊ ခမိုလောည်လဲင်၊ ရဝ်မာန်ကာန် အခိင် ဂါရ်ကောန်ကူန် ဒါႈနံင်ဟာဝ်းတီႇမံက်တဘြည်း စိဟာဝ်းယိူဝ်ႇ ပ္လေဘျုင်ညံမ်ပဒူႈ ကောန်အ်ုန်စိတိူဝ်ႈဒေကနိုက် ပဲန်ပဒူႈလံက်ဟာဝ်း ဆာ်မိုႈ ကူန်အ်ုန်ဒီန် တာခံမ်းဆာ အဆာက်(45)ဆန်ုမ် ယံမ်းပွံတ်ကဆီုဝ်ဒီန် ကောန်အ်ုန် အီမိုႈ မာည်းအံင်ဆာ ကတူႈလိူည်ဘာတ်ဒါင်းအောႏ။
ဘည်မိုႈဘည်ဘာည်းအ်ုန် ကျံရ်ဖိုန် ဆငည်း(20) အခိင်ရဆံန်(2)နြီ ကောန်ဒဲႇ အာရ်အီးဂါရ်နီန် တောပ်ကူန်ဂဲ ဟာဝ်းပလိုင်မျံမ် ဒီမိူဝ်ႈပပ္လေါင်အိုမ် ႎါည်ဂဲဒါဟောည်ႇအိုမ် အခိင်ဂဲဝီရ်တဂါင် ရောတ်တဒေင်အူဒီ ဂဲစီယိူဝ်းမဴင် တိူဝ်ႈဒေကနိုက် မဲင်ဒီန်စီပဒူႈဟာဝ်း။
ဘံန်ဟောည်ႇဒေဲႈ ကျံရ်(3)၊ ဒီဂေါည်ပျီမ်ဆီုက်ဘြာန်ဇေဝ်ဂဲ ဂေါႇမဲင်တီႇ တိုအီးရဝ်(2)အီးယံမ်း၊ (1)အီးကတူႈဒါင်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists