ဘယ်ဒေဆီမ်းဟာဝ်း တံပ်ဆခါန်ဆီုက်ဘြာန်ဂဲ အီဂေါည်ပလှံင်မိူင်မီတ် ပဒိုႇဒိုည်ႇ
02 August 2024
ဘယ်ဒေဆီမ်းဟာဝ်း တံပ်ဆခါန်ဆီုက်ဘြာန်ဂဲ အီဂေါည်ပလှံင်မိူင်မီတ် ပဒိုႇဒိုည်ႇ
ကုင်တအာင်း၊ ကျံရ်(8) ဆငည်း (2)
ကုင်တအာင်း၊ အိူင်အိုမ်တမာဝ်း၊ ပလှံင်မိူင်မီတ် ကျံရ်(7) ဆငည်း (31) အခိင်ရဆံန်(1)နြီဒိူန်း တံပ်နာန်းတအာင်း TNLA ဘိူန်းဒေဆီမ်းဟာဝ်း တံပ်ဆခါန်ဆီုက်ဘြာန် စကခ-21 (မပခ)၊ ခမရ(348)၊ ခလရ(223၊276) အီဂေါည်ဗျူဟာဒါင်းဂဲ ပဒိုႇဒိုည်ႇအောႏ။
တံပ်ဆခါန်အီဂေါည် ပလှံင်မိူင်မီတ်ဒီန် တံပ်နာန်းတအာင်း PSLF/TNLAဂဲ လံပ်တီုက်နာန်း 1027 ဒေါန်(2) ခေဲင်ကျံရ်တောရ် ဇူႈ ဆငည်း(27)နီန် ခေဲင်(4)နှာ ရောတ် ကျံရ်(7) ဆငည်း(31) အခိင် ရဆံန်(1)နြီဒိူန်း ဘယ်ပွံတ်ဒေဆီမ်း ဆာင်းလာင်ဟာဝ်း တံပ်ဆခါန်းဆီုက်ဘြာန်ဂဲ ကတီးကရီးအောႏ။
ပ်ုန်ဘိူန်းဒေဆီမ်းဟာဝ်း တံပ်ဆခါန်ဆီုက်ဘြာန်ဂဲ အီဂေါည် ပလှံင်မိူင်မီတ်ကဲဒီန် ဗျူဟာကိုင် (348)၊ တံပ်ဆခါန် ခလရ (223) ၊ တံပ်ဆခါန် ခလရ (267) ၊ တံပ်ဆခါန် ခမရ(348) ၊ တံပ်ဆခါန်ကီင်ချောင် ၊ တံဆခါန်ဆျှိုည်သာယာ၊ တံပ်ဆခါန် လဲက်ခိုက်ပင်၊ တံပ်ဆခါန်လဲတ်ခိုက်သံ၊ တံပ်ဆခါန်လယ်ကျီး၊ တံပ်ဆခါန်သရက်တော၊ တံပ်ဆခါန်မဲင်တဲင်(6) ၊ ပလဲတ်တီနံမ် ၊ကျောင်ဗိမ္မာန် ကာည်း လူမ်ပလီက် တောပ်ဘိုး လူမ်(အစိုယ) တီုင်ဌာနတောန်ဌာန ပဒိုႇဒိုည်ႇအောႏ။
ပလှံင်မိူင်မီတ်ဒီန် ဆီုက်ဘြာန် စကစ -21 ခြူမ်တီုင်တံပ်ဆီုက်ဘြာန် ခလရ-223၊276 ကာည်း ခမရ -348 ဂဲ မိုႈအီဒေဲႈပ္လေႈတံပ်ဆခါန် ခေဲင်လှံင်မိူင်မီတ်အောႏ။
အခိင်တီုက်တံပ်ဆခါန်ဆီုက်ဘြာန်ဂဲ ပလှံင်မီူင်မီတ်ဒီန် ဆီုက်ဘြာန် ကစုကပိုမ် ဂဲဒါ Jet Fighter ပဴင် (29)လိူဝ်ႈ၊ ဒါ Y-12 ပဴင် (38)လိူဝ်ႈ၊ ဒါ Y-12 ရောတ်ဒေဲႈပဴင် ပ္လေလာက်နာက်(14)လိူဝ်ႈ ၊ ဒါပ္လေဒါင်း ပဴင်(221)လိူဝ်ႈ ၊ ဒါပ္လေထာန်ဇံန် 500 (1)ပိုင်း ကာည်း ဒါပ္လေဒိုင်း ပဴင်(18)ပိုင်းအောႏ။
ခေဲင်ကတီုက်ကပဲင်ဒီန် ဘိူန်ဒေဆီမ်းဟာဝ်း ဂြိုခြီုင်ဆီုက်ဘြာန်ဂဲ အ်ုန်တောပ် ပ္လေဒါင်းဟောင်ဝေဆာ၊ ဆနာတ်တောန်မျို(250)လံဝ်း၊ 120MM (1)လံဝ်း၊ 60MM (19)လံဝ်း၊ 81MM (9)လဝ်း၊ ပွိူင်းဖ်ုက်(3)လံဝ်း၊ RPG (16)လံဝ်း၊ ဂျမ်းပါ(2)စူင်၊ (ဆေင်ပြောင်းနောက်ပွင့်) (2)လံဝ်း ၊ ပ္လေပဴင်ထမေန် (1)လံဝ်း၊ ဆနာတ်ဘိုတ် (3)လံဝ်း၊ မဲင်၊ ပ္လေဆနာတ်တောန်မျိူး ကာည်း ဘိူန်ဆီမ်းဟာဝ်း ဂြိုခြီုင်လာက်နာက်။ အခိင်တီုက်တံပ်ဆခါန်ဆီုက်ဘြာန် အီဂေါည်ပလှံင်မိူင်မီတ် ပါဒိုႇဒိုည်ႇဘိူန်းဒေဆီမ်းဟာဝ်း ဆနာတ်တောန်မျိုး (400)လေႈအောႏ။
တံပ်နာန်းတအာင်း TNLA ကာည်း တံပ်ကပိုမ်ဂဲ အခိင်လီပ်တီုက် တံပ်ဆခါန်ဆီုက်ဘြာန် ပလှံင်မိူင်မီတ်ဒီန် ဂေါႇဆီုက်ဘြာန်ဂဲ ကယေင်ပဴင်ဟာဝ်းလိူည် ဒီဂေါည်ကူန်ရဝ်မာဂါင် စီလံက်ဟာဝ်း တိုအီးရဝ် လှံင်မိူင်မီတ် (3)အီး ယံမ်း၊ (12)အီး ကတူႈဖေးဆဝ်၊ မိုႈဘိုး ကျောင်ပနောဘေဲႇ ကာည်း ဂါင် (5)ဂါင်မာ် ညားငံရ်ကဆူမ်း လူလှဲဝ်ဟာဝ်းအောႏ။
ယာမ်မိုႈ ဆန်ုမ် 2024 ဇူႈ ကျံရ်(7) ဆငည်း (31) လံပ်တီုက်နာန်း 1027 ဒေါန်(2)နီန် တံပ်နာန်းတအာင်း TNLA ဘိူန်းဒေဆီမ်းဟာဝ်း လှံင်နောင်ချေဲဝ် ကာည်း ပလှံင်မိုဂူႈ၊ ပ်ုန်ဘိူန်းဒေဆီမ်း လိူဝ်ႈ(3)ဒီန် ဘိူန်းပွံတ်ဒေဆီမ်းဟာဝ်း လှံင်မိူင်မီတ်ကတီးကရီးအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ဘိူန်းဆီမ်းတံပ်ဆခါန်းမိူင်မီတ်
Comment Lists