ပြည်သူလူထုများအနေဖြင့် ပူပြင်းခြောက်သွေ့ရာသီရောက်ရှိလာပြီးဖြစ်သောကြောင့် မီးဘေးအန္တရာယ် အထူးသတိပြု ကြိုတင်ကာကွယ်ကြရန် တိုက်တွန်းနှိုးဆော်ခြင်း

မီးဘေးအန္တရာယ်သည် လူ့အသက်နှင့် အိုးအိမ်စည်းစိမ်ဥစ္စာများကို အလွန်ကြီးမားစွာ ထိခိုက်ပျက်စီးစေနိုင်သည့် အန္တရာယ်တစ်ရပ်ဖြစ်သည်။ ရန်သူမျိုးငါးပါးတွင် ပါဝင်သည့် မီးဘေးသည် လူ့ဘဝနှင့် စည်းစိမ်ဥစ္စာများကို တဒင်္ဂမျှအတွင်း ဖျက်ဆီးပစ်နိုင်စွမ်းရှိသည့် အန္တရာယ်ကြီးတစ်ရပ်ဖြစ်သည်။ သူခိုးဓားပြ လက်တွင် ပါသွားသည့် စည်းစိမ်အချို့ ပြန်လည်ရှာဖွေစုဆောင်းနိုင်သော်လည်း မီးဘေးကြုံတွေ့ပါက အိုးအိမ်ပစ္စည်းများ အလုံးစုံ ပျက်စီးဆုံးရှုံးနိုင်သည်။