တအာင်းပြည်၊ မိုင်းဝီးမြို့နယ်ရှိ ကျေးရွာတစ်ရွာတွင် အမျိုးသမီးတစ်ဦးအပေါ် လိင်ပိုင်းဆိုင်ရာအကြမ်းဖက်မှု ကျူးလွန်ခဲ့သည်ဟု စွပ်စွဲခံရသူ အမျိုးသားတစ်ဦးကို တအာင်းပြည် မြို့နယ်ရဲတပ်ဖွဲ့က အောက်တိုဘာလ ၃ ရက်နေ့တွင် ဖမ်းဆီးထိန်းသိမ်းခဲ့ပြီး တရားဥပဒေနှင့်အညီ ဆက်လက်အရေးယူဆောင်ရွက်သွားမည်ဖြစ်သည်။

တအာင်းပြည်၊ နမ့်ဆန်မြို့အဝင် ပန်စပိန်လမ်းတွင် ခရီးသည်တင်ယာဉ်တစ်စီး နောက်ပြန်လိမ့်ကျကာ ချောက်အတွင်း တိမ်းမှောက်ခဲ့သဖြင့် အမျိုးသမီးတစ်ဦး သေဆုံးပြီး အမျိုးသားတစ်ဦးနှင့် အမျိုးသမီးတစ်ဦး ထိခိုက်ဒဏ်ရာရရှိခဲ့သည်။

တအာင်းပြည် ပြည်သူ့ဆက်ဆံရေးစင်တာ (PRC) သည် ပြည်သူများ၏ အခက်အခဲများ၊ အကူအညီလိုအပ်ချက်များ၊ လူ့အခွင့်အရေးချိုးဖောက်မှုများနှင့် ဘေးအန္တရာယ်ကြောင့် ထိခိုက်နစ်နာမှုများကို လက်ခံမှတ်တမ်းတင်ကာ သက်ဆိုင်ရာဌာနများနှင့် ချိတ်ဆက်ဖြေရှင်းပေးရန် ဆောင်ရွက်နေပြီး PRC ၏ ဆက်သွယ်ရန်လမ်းကြောင်းများမှတစ်ဆင့် ပြည်သူများအနေဖြင့် လွတ်လပ်စွာ ဆက်သွယ်တင်ပြနိုင်ကြောင်း အသိပေးထားသည်။

နမ့်ဆန်မြို့၌ အောက်တိုဘာ (၁) ရက်က ပြုလုပ်သော တွေ့ဆုံဆွေးနွေးပွဲတွင် မူးယစ်ဆေးဝါး တားဆီးရေး၊ အသိပညာပေးလုပ်ငန်းများနှင့် ပြည်သူ့ကျန်းမာရေး စောင့်ရှောက်မှု ပိုမိုထိရောက်ရေးအတွက် အုပ်ချုပ်ရေးဌာနနှင့် ဌာနဆိုင်ရာများ ပူးပေါင်းဆွေးနွေးခဲ့ကြပါသည်။

တအာင်းပြည်ပညာရေးကောင်စီ (TLEC) ရုံးချုပ်၌ စက်တင်ဘာ (၁၇-၁၈) ရက်က ကျင်းပခဲ့သော အလုပ်ရုံဆွေးနွေးပွဲတွင် အဖွဲ့အစည်း၏ Supply Chain Management Policy မူကြမ်းကို အတည်ပြုနိုင်ခဲ့ပြီး အသုံးပြပုံစံ (Procurement Forms) များကို ပိုမိုစနစ်ကျအောင် ပြန်လည်ပြင်ဆင်ခဲ့ကြပါသည်။ အဆိုပါ ဆွေးနွေးပွဲသို့ TLEC ဥက္ကဋ္ဌ အပါအဝင် ဝန်ထမ်း (၄၀) ဦး တက်ရောက်ခဲ့ကြပါသည်။

TLAF မှ ယာဉ်အန္တရာယ် လျှော့ချရေးအတွက် နမ္မတူမြို့၌ ယာဉ်စည်းကမ်း အသိပညာပေးသင်တန်း ပို့ချပြီး လက်ကမ်းစာစောင်များ ဖြန့်ဝေခဲ့ကာ အခြားမြို့များတွင်ပါ ဆက်လက် ဆောင်ရွက်မည်ဖြစ်သည်။

တအာင်းပြည် နမ္မတူမြို့၌ ကျင်းပခဲ့သည့် အပတ်စဉ် (၂) ဥပဒေအရာရှိသင်တန်းဆင်းပွဲတွင် PSLF/TNLA အထွေထွေအတွင်းရေးမှူး ဗိုလ်ချုပ်ဘုန်းကျော်က တရားဥပဒေစိုးမိုးရေးအတွက် မှာကြားခဲ့ပြီး သင်တန်းဆင်းများမှာ ဒေသတွင်း မြို့နယ်အသီးသီး၌ တာဝန်ထမ်းဆောင်ကြမည်ဖြစ်သည်။

တအာင်းပြည်၏ လက်ရှိလိုအပ်ချက်များနှင့် ကိုက်ညီသော အရည်အသွေးမြင့် အဆင့်မြင့်ပညာရေးစနစ် ဖော်ဆောင်နိုင်ရန် TLEC ဦးဆောင်၍ TLCU အလုပ်ရုံဆွေးနွေးပွဲကို စက်တင်ဘာ ၂၃ ရက်မှ ၂၅ ရက်အထိ ကျင်းပခဲ့ပြီး အဆင့်မြင့်ပညာရေးမူဝါဒ၊ TLCU ၏ မျှော်မှန်းချက်၊ ရည်မှန်းချက်၊ ရည်ရွယ်ချက်များ၊ စံတန်ဖိုးများနှင့် ဖွဲ့စည်းပုံများကို ဆွေးနွေးအတည်ပြုခဲ့ကာ ဦးဆောင်အဖွဲ့ဝင် ၁၇ ဦးကို ဒီမိုကရေစီနည်းကျ ရွေးချယ်ခဲ့ကြသည်။