တအာင်းပြည် နမ့်ဆန်နှင့် မိုင်းငေါ့မြို့နယ်များတွင် PSLF/TNLA ၏ မူးယစ်ဆေးဝါးတိုက်ဖျက်ရေးလုပ်ငန်းများအတွင်း မူးယစ်ဆေးဝါးရောင်းဝယ်သူ ၁ ဦးနှင့် သုံးစွဲသူ ၂ ဦးကို ဖမ်းဆီးရမိခဲ့ပြီး ဘိန်းဖြူ ၃.၁ ဂရမ်၊ ယာမဆေးပြား ၁,၀၂၈ ပြား၊ ငွေကျပ် ၆၅၀,၀၀၀ နှင့် ဆက်စပ်ပစ္စည်းများ သိမ်းဆည်းရမိကာ ဥပဒေနှင့်အညီ အရေးယူခြင်းနှင့် ပြန်လည်ပြုပြင်ရေး၊ အသိပညာပေးလုပ်ငန်းများ ဆက်လက်ဆောင်ရွက်သွားမည်ဖြစ်သည်။

နမ့်ခမ်းမြို့တွင် ဆေးဝါးရောင်းချမှုများ စနစ်တကျရှိစေရန်နှင့် ပြည်သူများ ဘေးကင်းစိတ်ချရသော ဆေးဝါးများ ဝယ်ယူသုံးစွဲနိုင်စေရန် ရည်ရွယ်၍ အစားအသောက်နှင့် ဆေးဝါးကြီးကြပ်ရေးကော်မတီမှ စက်တင်ဘာလ (၁၅) ရက်နေ့တွင် ဆေးဆိုင်များအား ကွင်းဆင်းစစ်ဆေးခဲ့ပြီး စပ်ဆေးနှင့် သက်တမ်းလွန်ဆေးဝါးများ ရောင်းချမှုမရှိစေရေးအတွက် လိုအပ်သည့် စီမံဆောင်ရွက်မှုများ ပြုလုပ်ခဲ့သည်။

တအာင်းပြည် ပညာရေးကောင်စီ-TLEC သည် သင်ကြားရေးအရည်အသွေး ပိုမိုမြင့်မားလာစေရန်၊ လက်တွေ့မြေပြင် လိုအပ်ချက်များနှင့် ကိုက်ညီမှုရှိစေရန် ရည်ရွယ်၍ Teacher Manual နှင့် Education Policy (ပညာရေးဆိုင်ရာမူဝါဒ) ဆိုင်ရာအလုပ်ရုံဆွေးနွေးပွဲကို စက်တင်ဘာလ (၁၀) ရက်နေ့နှင့် (၁၁) ရက်နေ့တွင် အောင်မြင်စွာ ကျင်းပပြုလုပ်ခဲ့သည်။