08 June 2026

ကုင်တအာင်း၊ ခေဲင်ကျံရ်ဖံန်နီန်၊ ဖုင်ပလိက်ကုင်တအာင်းဂဲ ဘိူန်းတိုကညားကဲကဇိူရ်ႈကယံင်းခံင်ယိူည်ႇ(5)အီး ကာည်း  ကညားအီဒါ(16)အီး

အိုမ်ယ်ုရ်၊ ကျံရ်တောရ်၊ ဆငည်း(8)
ဆဒါင်ကုင်တအာင်း

ကုင်တအာင်း၊ ခေဲင်ကျံရ်ဖံန်နီန်၊ အိူင်အေဲမ်ခြီရ် ကာည်း  အိူင်အိုမ်ယ်ုရ်  ဖုင်ပလိက်ကုင်တအာင်းဂဲ ဘိူန်းတိုကညားကဲကဇိူရ်ႈကယံင်းခံင်ယိူည်ႇ ကောန်အီမာည်း(4)အီး၊ ကောန်အီပ်ုန်(1)အီး ကာည်း  ကညားအီဒါခံင်ယိူည်ႇ(16)အီး ခေဲင်လှံင်။

ပလှံင်‌အေဲမ်ခြီရ်၊ ဘံန်ဟောည်ႇဒေဲႈ ကျံရ်ဖံန်၊ ဆငည်း(2) ဖုင်ပလိက်ကုင်တအာင်းဂဲ ရေဲန်ဇီုင်းလီပ်စေတ်မေန်းတောန်ဒီ ဘိူန်းတိုည်း တာမောကျိူက်ဖေ့ ဘိူန်းအဆာက်(40)ဆန်ုမ်၊ တာအာကို ဘိူန်းအဆာက်(32)ဆန်ုမ် ကာည်း တာဇော်မျိုး ဘိူန်းအဆာက်(30)ဆန်ုမ်။

မိုႈဘို ကျံရ်ဖံန်၊ ဆငည်း(3)ဒိူန် အခိင်ရဆံန် ဘိူန်းတိုည်း တာဝူန်မျံတ် ဘိူန်းအဆာက်(55)ဆန်ုမ်၊ တာအိုက်ဆာမ် ဘိူန်းအဆာက်(60)ဆန်ုမ်၊ တာအိုက်ကျွဲ ဘိူန်းအဆာက်(47)ဆန်ုမ်၊ တာအိုက်ယေအံင်ဆာ ဘိူန်းအဆာက်(32)ဆန်ုမ် ကာည်း တာအိုက်လာန်မို ဘိူန်းအဆာက်(33)ဆန်ုမ် ကဂေါပ်တောပ် ဂြိုခြီုင်ပဲန်နှာင်းဒါ ခေဲင်ခံင်ယိူည်ႇ။

ဆဲႈဒီန် ပလှံင်အေဲမ်ငူည်၊ ရဝ်မန်ကောင်း ဖုင်ပလိက်ကုင်တအာင်းဂဲ ဘိူန်းဆဒါင် ဘံန်ဟောည်ႇဒေဲႈ ကျံရ်ဖံန်၊ ဆငည်း(1)ဒိူန် ဖုင်ပလိက်ဂဲ ဟာဝ်းစေတ်မေန်း ဘိူန်းတိုည်း ယာအာည်မိုးအူး ဘိူန်းအဆာက်(28)ဆန်ုမ်၊ မာည်းအလုမ် ဘိူန်းအဆာက်(25)ဆန်ုမ် ကာည်း တာငို ဘိူန်းအဆာက်(52)ဆန်ုမ် တောပ်ကအာင်းဆနံမ်ပဲန်နောႈမှည်း (31)ထုတ်၊ ကအာင်းဆန်ုမ်ပဲန်နောႈမှည် ပ်ုန်ခေဲင်ကဘဲဝ် (1)ကဘဲဝ်၊ ခံင်ယိူည်ႇလူည် (3)ကဘဲဝ် ဘိူန်းတိုည်းကဂေါပ်တောပ် ဂြိုခြီုင်အောႏ။

ဘံန်ဟောည်ႇဒေဲႈ ကျံရ်ဖံန်၊ ဆငည်း(26) အခိင်ရဆံန် ပလှံင်အိုမ်ယ်ုရ် ဘိူန်းတိုည်းကညားအီခံင်ယိူည်ႇ တာဇော်လူန် ဘိူန်းအဆာက်(43)ဆန်ုမ်၊ တာတာန်းဖေ ဘိူန်းအဆာက်(54)ဆန်ုမ်၊ တာနေထူန် ဘိူန်းအဆာက်(54)ဆန်ုမ်၊ တာမံင်တာန်း ဘိူန်းအဆာက် (36)ဆန်ုမ်၊ မာည်းဟေင်မံင် ဘိူန်းအဆာက်(20)ဆန်ုမ်။ ဆာ်မိုႈကညားကဇိူရ်ႈကယံင်းဒိူန် တာနာည်မံင် ဘိူန်းအဆာက်(53)ဆန်ုမ် ဘိူန်းတိုည်းခံင်ယိူည်ႇတအ်ုန် (0.3)ဂရမ် ခံင်ယိူည်ႇလူည် ကာည်း ကအာင်းဆနံမ်း(13)ကအာင်း။

ပလှံင်မိူင်လိုင်မာ်  ဘိူန်းတိုည်း ကညားအီဒါခံင်ယိူည်ႇ မာည်းဆဲင်ကျော်ဇာ ဘိူန်းအဆာက် (20)ဆန်ုမ်၊ ဘိူန်းတိုည်းဘိုး ကညားအီကဇိူရ်ႈကယံင်းခံင်ယိူည်ႇ တာအိုက်တာန်း ဘိူန်းအဆာက်(49)ဆန်ုမ်၊ ကဂေါပ်တောပ် ကအာင်းယာမ(11)ထုတ်။

ဆဲႈဒီန် ပလှံင်မာဝ်းဝံင်း ကျံရ်ဖံန်၊ ဆငည်း(31) ပရဝ်ဟူကွတ် ဘိူန်းတိုည်း တာအံင်မျံတ် ဘိူန်းအဆာက်(26)ဆန်ုမ် ဒါခံင်ယိူည်ႇ။ ဖုင်ပလိက်ကုင်တအာင်းဂဲ ဘံန်ဟောည်ႇဒေဲႈ ခေဲင်ကျံရ်ဖိုန်ဒိူန်မာ် ဘိူန်းတိုည်းကညားအီကဇိူရ်ႈကယံင်းခံင်ယိူည်ႇ (7)အီး ကာည်း အီဒါ(15)အီး။

ဘည်ကဆီုဝ် တံပ်အွံရ်ပ်ုန်လောတ်ကပီုန်တအာင်း-PSLF/TNLA ရေဲန်ဟာဝ်းဇီုင်းကာန် တီုက်ယာႈအရေးခံင်ယိူည်ႇနီန်ဒါင်းဒါင်း။ ဆဲႈဒါႇဒီန် ဆီုပ်ရေဲန်ဟာဝ်း မောကံပ်တိုအီး ဒါခံင်ယိူည်ႇကဲနီန် ကာည်း တိုအီးကဇိူရ်ႈကယံင်းခံင်ယိူည်ႇဟြာည်ကမာ်ႈ၊ မောကံပ်ဘယ်ထိင်ခြဲဒဲႈ ဘံန်နံင်ဒေဲႈ ကောန်ဒဲႇဂဲ ကာည်း မောကံပ်ဘယ်လံပ်ဘ္လီုက်လှူပ်တြားဥပဒေ၊ မောကံပ်ပဇာရ်ဒဲႈ လံပ်ကတ်ုမ်တိုအီးအယ် ဂေါည်ယေန်ငံင်အောႏ။

#PSLF/TNLA
#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း