16 February 2026

ဖုင်ပလိက်ကုင်တအာင်းဂဲ ဘိူန်းတိုည်းတိုအီးကရိူရ်ႈကယံင်းခံင်ယိူည်ႇ (3)အီး ကာည်း တိုအီးဒါခံင်ယိူည်ႇ(5)အီး ပလှံင်အေဲမ်ခြီရ်၊ လှံင်မူစယ် ကာည်း လှံင်မိူင်လိုင်

အေဲမ်ခြီရ်၊ ကျံရ်အာရ်၊ ဆငည်း(16)

ဆဒါင်ကုင်တအာင်း

အခိင် ဖုင်ပလိက်ကုင်တအာင်းဂဲ ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ ဘိူန်းတိုည်းတိုအီးကရိူရ်ႈကယံင်းခံင်ယိူည်ႇ(3)အီး ကာည်း တိုအီးဒါခံင်ယိူည်ႇ(5)အီး ပလှံင်အေဲမ်ခြီရ်၊ လှံင်မူစယ် ကာည်း လှံင်မိူင်လိုင်အောႏ။

ကျံရ်အာရ်၊ ဆငည်း(12) အခိင်ရမှိဝ်(7:30)နြီ ဖုင်ပလိက်ကုင်တအာင်းဂဲ ဘိူန်းဆဒါင် ဒါ်ႈ တာဝူန်စော ဘိူန်းအဆာက်(36)ဆန်ုမ် မိူဝ်ႈခံင်ယိူည်ႇႎံင် (4)ထုတ်၊ ထုတ်ဒဲ့(22)ထုတ် ကစုကပိုမ် ထာန်ဇံန်(1462.6)ဂရမ် ကာည်း ပယာယီမွှေး ခံင်ယိူည်ႇလူည် ဂေါည် (126.4)ဂရမ် တောပ် ကအာင်ယာမ(113.6)ဂရမ်) ဘိူန်းတိုည်းဟာဝ်းအောႏ။

ဆဲႈဒီန် ကျံရ်အာရ်၊ ဆငည်း(10) အခိင်ရမှိဝ်(၃း၃၀)နြီ ပလှံင်မူစယ်၊ ရဝ်ဆူလိုင် အခိင် ဖုင်ပလိက်ကုင်တအာင်းဂဲ စေတ်ဆေးခေဲင်အရာပ်ရာ ယိူဝ်ႇ တိုအီးဒါခံင်ယိူည်ႇ မာည်းစော်တာန်း ဘိူန်းအဆာက်(21)ဆန်ုမ် (1)အီး၊ တာယာပါတူး ဘိူန်းအဆာက်(36)ဆန်ုမ် ကာည်း ယာအေးဆာ ဘိူန်းအဆာက်(54)ဆန်ုမ် တောပ်ႎှုင်OPPO(2)ပိုင်၊ ဆဲင်ကယ်(2)ကြောင် ကာည်း ခံင်ယိူည်ႇလူည် ဘိူန်းတိုည်းဟာဝ်း။

မိုႈဘို ကျံရ်အာရ်၊ ဆငည်း(9)၊ ခီညှာ(6)နြီထာန်နီး ဖုင်ပလိက်လှံင်မိူင်လိုင်ဂဲ ရေဲန်ဇီုင်းကာန် စေတ်မေန်း‌ခေဲင်အရာပ်ရာ ခမိုညောင်တောက်၊ ရဝ်နာဝီ ဘိူန်းတိုည်း တိုအီးဒါခံင်ယိူည်ႇ တာအိုက်စော် ဘိူန်းအဆာက်(44)ဆန်ုမ် ကာည်း တာအိုက်တာန်း ဘိူန်းအဆာက်(60)ဆန်ုမ်။  တိုအီးတောပ်ဂဲဒီန် ဘိူည်ဒဲဝ်ႎဲႈမာ် ဘိူန်းဆီမ်းအူန်း ခံင်ယိူည်ႇ ကော်က်ဆပ်ပျာ(3)ကော်က် ကာည်း ကအာင်ဆနံမ်း ပဲန်နောႈမှာည် (100)ကအာင်း။

ဆဲႈဒီန် ကျံရ်အာရ် ဆငည်း(8) အခိင်စူန်အံပ်(5)နြီထာန်နီး ပရဝ်ညောင်တောက် ဘိူန်းတိုည်း တိုအီးဒါခံင်ယိူည်ႇ တာအိုက်လဲင် ဘိူန်းအဆာက်(24)ဆန်ုမ်အောႏ။

ခေဲင်ဆန်ုမ်2025နီန်  ဖုင်ပလိက်ကုင်တအာင်းဂဲ ရေဲန်ဇီုင်းကာန် တီုက်ယာ်ႈအရေးခံင်ယိူည်ႇနီး ဘိူန်းတိုည်းတိုအီးကရိူရ်ႈကယံင်း ကာည်း တိုအီးဒါခံင်ယိူည်ႇ ကစုကပိုမ်(2471)အီးအောႏ။

PSLF/TNLA

တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း