10 February 2026

PSLF/TNLA  လူမ်ဒံန်ခြဲငိူပ်မေန်းအိုမ်ဘြည်ကတာည်း ဘ္လံက်ချကတာည်းဒီထိင်ခြဲ ဧက (2) ဆဲန် ကနာည်ဆဖာ ဝအရာပ်အရာ ကာည်း ဒံန်ခြဲလံပ်ဘြောင် ရိူန်းခြီရ်ကူန်ရဝ်မာဂါင်

ကုင်တအာင်း၊ ကျံရ်အာရ်၊ ဆငည်း(10)

ဆဒါင်ကုင်တအာင်း

ခေဲင်ကုင်တအာင်း ကနာည်နံင်ဇံင်းမံင်ဟာဝ်း ဆဖာဝအရာပ်အရာ ကာည်း အခွါင်းအရေးဟျံင်ႎဲ့ ကူန်ရဝ်မာဂါင် ကဲ PSLF/TNLA - လူမ်ဒံန်ခြဲငိူပ်မေန်းအိုမ်ဘြည်ကတာည်းကဲ ဘ္လံက်ချဟာဝ်းကတာည်း ဧက (2) ဆဲန်လှိူဝ်း ခေဲင်အိူင်အိုမ်ယ်ုရ်၊ အိူင်မာဝ်းႎံင်း၊ အိူင်မိုဂူႈ၊ အိူင်ကိုက်ခည်း ကာည်း အိူင်အေဲမ်ခြီရ် ခေဲင်ဆန်ုမ် (2025) အောႏ။

ဆာ်မိုႈခေဲင်ကတာည်းကဲဒီန် ကနာည်ဒံန်ခြဲသံယံဇာတအိုမ်ဘြည်ကတာည်း ပံက်နှဲဟာဝ်းဆဲင်ဘူက်ဒဲႈဆဒိ ခေဲင် ဘြည်လေႈအိုမ် (29608) ဧက ပလှံင်မိုဂူႈ (5) လှေ၊ လှံင်မာဝ်းႎံင်း (5) လှေ ကာည်း လှံင်အေဲမ်ခြီရ် (1) လှေယာ့် အောႏ။ ဆဲႈဒီန် ကနာည်နံင်ဟိုက်ဇာရ်ကတာည်းဒေသန္တ ရေဲန်ဟာဝ်း ကတာည်း (22950) ဧက ပလှံင်မိုဂူႈ (1) လှေ၊ လှံင်မာဝ်းႎံင်း (1) လှေ ကာည်း လှံင်ကိုက်ခည်း (5) လှေပံက်နှဲဟာဝ်းဒို,ဆဲင်ဘူက်နှဲဆဒိယာ့်အောႏ။

ခေဲင်ကတာည်းထိင်ခြဲမျိုးဆဖာဝဇီဝ (42341) ဧကမာ် ရေဲန်ဟာဝ်း ခေဲင်လှံင်မိုဂူႈ (1)လှေ၊ လှံင်ကိုက်ခည်း (1) လှေ၊ ဆာ်မိုႈကတာည်းထိင်ခြဲလံပ်ဘြောင်ရိူန်းခြီရ် (171046) ဧကဒီန် ရေဲန်ဟာဝ်းပလှံင်မှိူမ်မီုတ် (3) လှေ၊ လှံင်မာဝ်းႎံင်း (1) လှေ၊ လှံင်ဆဖော (2) လှေ၊ လှံင်ကိုက်ခည်း(1) လှေကဲဒီန် PSLF/TNLA- လူမ်ဒံန်ခြဲငိူပ် မေန်းအိုမ်ဘြည်ကတာည်းကဲ ပံက်နှဲဟာဝ်းဒို,ဆဲင်ဘူက်နှဲဆဒိ ခေဲင်အူဆန်ုမ်၊ ဆန်ုမ် (2025) ယာ့်အောႏ။

ဆာ်မိုႈဘည်ပံက်နှဲဟာဝ်းဆဲင်ဘူက်နှဲဆဒိဒီန် PSLF/TNLA-လူမ်ဒံန်ခြဲငိူပ်မေန်းအိုမ်ကတာည်းကဲ ပံက်နှဲဟာဝ်းက ရီးကတီးခေဲင်အူဆန်ုမ်၊ ရေဲန်ဟာဝ်းလံပ်ဒဲႈပိင်ငျာ ကာည်း ပါင်ကမိုန်တောပ်ကူန်ရဝ်မာဂါင်ကဲတောန်ကျံရ် အာဝ်ဘိူန်းဂေတ်ဟေ ခေဲင်ကတာည်းထိင်ခြဲ၊ အာဝ်းဘိူန်းတိုက်ငံရ်၊ အာဝ်ဘိူန်းဂေတ်ဟေအာဝ်လီပ်တြား ကာည်း အာဝ်ဘိူန်းရေဲန် ခြီရ်အာဝ်လီပ်တြား။

ဆာ်မိုႈဘ္လံက်ချပံက်နှဲဆဲင်ဘူက်ဒဲႈဆဒိဒီန် အာႎံန်းလိူည်ဒံန်ခြဲ ဆဖာဝသယံဇာတနံင်အာဝ်ချှူမ်ဟာဝ်း၊ ကယောင် နံင်ဒံန်ခြဲ အခွါင်းအ ရေးဟျံင်ႎဲ့ကူန်ရဝ်မာဂါင်ဂဲႎါည်းနီန်၊ ကနာည်နံင်ဘိူန်းဂေါည်လောတ်ဖေးဆဖာဝ ကာည်း ဒံန်ခြဲအူန်းဒီယိူဝ်ႇ တံင်ရျံရ်ႈဆဖာဝယာ့်အောႏ။

ဆဲႈဒီန် ပ္လိူရ်ႈလေႈခေါပ်ပြာ, ဒါ;ဆာ်လူည်ႇဟာဝ်းခေါပ်ပြာႇ ခေဲင်ကတာည်းထိင်ခြဲနီန် နံင်တိူဝ်ႈဟာဝ်းအရေး တောပ်ဘည်ကဆီုဝ်ကဆဲင်ဥပဒေအ်ုန်အောႏ။

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း