27 January 2026

ကုင်တအာင်း ခေဲင်ဆန်ုမ်2025 ဖုင်ပလိက်ကုင်တအာင်း ဘိူန်းတိုည်းတိုအီး ကဇိူရ်ႈကယံင်းဒါခံင်ယိူည်ႇ (2471)အီး

ကုင်တအာင်း၊ ကျံရ်အူ ဆငည်း(27)

ဆဒါင်ကုင်တအာင်း

ကုင်တအာင်း၊ အိူင်အိုမ်ယ်ုရ်၊ အိူင်မာဝ်းႎံင်း၊ အိူင်မိုဂူႈ၊ အိူင်ကိုက်ခည်း၊ အိူင်အေဲမ်ခြီရ်ကာည်း လှံင်မိူင်ယော်ကဲနီန် ခေဲင်ဆန်ုမ်2025 ဖုင်ပလိက်ကုင်တအာင်း ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ (316)အီးကာည်း တိုအီးဒါခံင်ယိူည်ႇ (2155)အီး။

ခေဲင်အိူင်အိုမ်ယ်ုရ်၊ အီမိုႈ လှံင်အိုမ်ယ်ုရ်၊ ရူကော၊ အိုမ်ငျံရ်၊ မိူင်ဘော် ကာည်း ကုင်ငှေါ အခိင်ဖုင်ပလိက်လှံင်ကုင်တအာင်း  ရေဲန်ဇီုင်းကာန်တီုက်ယာႈအရေးခံင်ယိူည်ႇဒိူန် ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ(60)အီးကာည်း တိုအီးဒါခံင်ယိူည်ႇ(478)အီး။

ဆဲႈဒါႇဒီန်  ခေဲင်အိူင်မာဝ်းႎံင်း၊ လှံင်မာဝ်းႎံင်း၊ ဆဘောကာည်း လှံင်နောင်ခေဝ် အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေးခေဲင်လှံင်ဒိူန် ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ (57)အီးကာည်း တိုအီးဒါခံင်ယိူည်ႇ(417)အီး၊ မိုႈဘိုး ခေဲင်အိူင်မိုဂူႈ၊ လှံင်မိုဂူႈ၊ လှံင်မှိူမ်မီုတ်ကာည်း မိူင်လိုင်မာ် ဖုင်ပလိက်ကုင်တအာင်း ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ (121)အီးကာည်း တိုအီးဒါခံင်ယိူည်ႇ (764)အီး။

မိုႈဘိုး ခေဲင်အိူင်ကိုက်ခည်း အီမိုႈ လှံင်ကိုက်ခည်း၊ နံမ်ဖတ်ကာကာည်း မာန်စယ် အခိင်ဖုင်ပလိက်ကုင်တအာင်း ‌ရေဲန်ဇီုင်းကာန်တီုက်ယာႈခံင်ယိူည်ႇ ဘိူန်းတိုည်းတိုအီး ကဇိူရ်ႈကယံင်းခံင်ယိူည်ႇ(8)အီး ကာည်း တိုအီးဒါခံင်ယိူည်ႇ(62)အီး။

ခေဲင်အိူင်အေဲမ်ခြီရ် လှံင်အေဲမ်၊ လှံင်မူစဲ ကာည်း အေဲမ်ငူည် အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေးဒိူန် ဘိူန်းတိုည်းတိုအီးကဇိူရ်ႈ ကယံင်းခံင်ယိူည်ႇ  (64)အီးကာည်း တိုအီးဒါခံင်ယိူည်ႇ(358)အီး၊ မိုႈဘိုး ပလှံင်မိူင်ယော်မာ် ဖုင်ပလိက်ကုင်တအာင်း ဘိူန်းတိုည်းတိုအီးကဇိူရ်ႈကယံင်း ခံင်ယိူည်(6)အီးကာည်း တိုအီးဒါခံင်ယိူည်ႇ(76)အီး။

ပ်ုန်ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇကဲနီန် တံပ်အွံရ်ပ်ုန်လောတ်ကပီုန် တအာင်း -PSLF/TNAL နှာင်းတိူဝ်ႈလာည်းဟာဝ်းအရေးတောပ်လိူည်ဘည်ဥ‌ပဒေ တီုက်ယာႈအရေးခံင်ယိူည်ႇ၊ ဆာ်မိုႈ တိုအီးဒါခံင်ယိူည်ႇကဲနီန်စီ နှာင်းတိုန်းဟာဝ်း ကဲဘြဲဆားအကျံင် ပဆခါန်းဂါင်ဆငါးအောႏ။

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း