ဖုင်ပလိက်ကုင်တအာင်း ဘိူန်းတိုည်းတိုအီးဒါင်ခံင်ယိူည်ႇ (4)အီး ပလှံင်အေဲမ်ငူည်
26 January 2026
ဖုင်ပလိက်ကုင်တအာင်း ဘိူန်းတိုည်းတိုအီးဒါင်ခံင်ယိူည်ႇ (4)အီး ပလှံင်အေဲမ်ငူည်
လှံင်အေဲမ်ငူည်၊ ကျံရ်အူ၊ ဆငည်း(26)
ဆဒါင်ကုင်တအာင်း
အခိင်ဖုင်ပလိက်ကုင်တအာင်း လှံင်အေဲမ်ငူည်ဂဲ ရေဲန်ဇီုင်းကာန်စေတ်ဆေးဒိူန် ဘိူန်းတိုည်းတိုအီး ဒါခံင်ယိူည်ႇ (4)အီး ပလှံင်အေဲမ်ငူည်၊ အိူင်အေဲမ်ခြီရ်၊ ခေဲင်ကုင်တအာင်းအောႏ။
ဘံန်ဟောည်ႇဒေဲႈ ကျံရ်အူ ဆငည်း(17) အခိင်ရမှိူဝ်(7:00)နြီဒိူန် အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေးခေဲင်လှံင်ဒိူန် ဘိူန်းတိုည်းတိုအီးဒါခံင်ယိူည်ႇ တာစာန်အမူန်း အဆာက်(29)ဆန်ုမ်၊ မံင်ပံန်အံင် အဆာက်(19)ဆန်ုမ်၊ ယာအေဆေင်အေး အဆာက်(23)ဆန်ုမ် ကအာင်ဆနံမ်းဂိူႈ(147)ကအာင်ကာည်း အီကဆီုဝ်ကဆဲင်တောပ် ဂြိုခြီုင်ခံင်ယိူည်ႇကဲနီန်။
ဆဲႈဒါႇဒီန် ဘံန်ဟောည်ႇဒေဲႈ ကျံရ်အူ ဆငည်း(18)ဒိူန်မာ် အခိင်ဖုင်ပလိက်ကုင်တအာင်း ရေဲန်ဇီုင်းကာန်တီုက်ယာႈအရေးခံင်ယိူည်ႇ ဘိူန်းတိုည်းတိုအီးဒါခံင်ယိူည်ႇ တာယည်မျာတ် အဆာက်(28)ဆန်ုမ်။
ပ်ုန်ဘိူန်းတိုည်းတိုအီးဒါခံင်ယိူည်ႇကဲနီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA နှာင်းတိူဝ်ႈလာည်းဟာဝ်းအရေး တောပ်လိူည်ဘည်ဥပဒေ တီုက်ယာႈအရေးခံင်ယိူည်ႇ။
ဘံန်ဟောည်ႇဒေဲႈ ဆန်ုမ်2025၊ ခေဲင်ကျံရ်ကိူရ်အာရ်ဒိူန်မာ် ဖုင်ပလိက်ကုင်တအာင်း တိုအီးကဇိူရ်ႈကယံင်းခံင်ယိူည်ႇ(6)အီးကာည်း တိုအီးဒါခံင်ယိူည်ႇ (24)အီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists