03 January 2026

ခေဲင်ကျံရ်ကိူရ်အာရ်နီန် ဖုင်ပလိက်ကုင်တအာင်း ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ(6)အီးကာည်း တိုအီးဒါခံင်ယိူည်(24)အီး ခေဲင်ကုင်တအာင်း

ကုင်တအာင်း၊ ကျံရ်အူ ဆငည်း(3)

ဆဒါင်ကုင်တအာင်း

ခေဲင်ကျံရ်ကိူရ်အာရ်နီန် ဖုင်ပလိက်ကုင်တအာင်း ဘိူန်းတိုည်းတိုအီးကဇိူရ်ႈကယံင်း ခံင်ယိူည်ႇ (6)အီးကာည်း တိုအီးဒါခံင်ယိူည်ႇ(24) ခေဲင်ကုင်တအာင်း အီမိုႈ လှံင်အေဲမ်ခြီရ်၊ အေဲမ်ငူည်၊ ကိုက်ခည်းကာည်း လှံင်မိူင်လိုင်ကဲနီန်အောႏ။

ပလှံင်အေဲမ်ခြီရ် အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေးဒိူန် ဘိူန်းတိုည်းတိုအီး ကဇိူရ်ႈကယံင်းခံင်ယိူည်ႇ(2)အီး ကဂေါပ်တောပ် ဖိင်လူည်းဟံပ်ခေဲင်ကဘဲဝ်ဆပ်ပျာ(23)ကဘဲဝ်၊ ကအာင်ဆနံမ်းယာမ(168)ကအာင်ကာည်း ႎှုင်(2)ပိုင်း။

ပလှံင်အေဲမ်ငူည်မာ် အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေးဒိူန် ဘိူန်းတိုည်းတိုအီး ဒါခံင်ယိူည်ႇ အီမာည်း(6)အီးကာည်း တောပ်ဘိုးအီပ်ုန်(1)အီး၊ ခေဲင်ဒီန်ဘိူန်းတိုည်း တိုအီးကဇိူရ်ႈကယံင်း ခံင်ယိူည်ႇ ဖိင်လူည်းခေဲင်က္လောက်ဆပ်ပျာ(2)က္လောက်၊ ဆနံမ်းဂိူႈ(842)ကအာင်၊ ႎှုင်(1)ပိုင်း ကာည်း ရိူန်း(15,000)ဘျာ။

မိုႈဘိုး ပလှံင်မိူင်လိုင်မာ် အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေးဒိူန် ဘိူန်းတိုည်းတိုအီး ဒါခံင်ယိူည်ႇ (1)အီးကာည်း တိုအီးကဇိူရ်ႈကယံင်းခံင်ယိူည်ႇ (2)အီး ကဂေါပ်တောပ် ဖိင်းလူည်းကာည်း ကအာင်ဆနံမ်းယာမ(211)ကအာင်။

ဆဲႈဒါႇဒီန် ပလှံင်ကုင်ငှေါ ဖုင်ပလိက်ကုင်တအာင်း ဘိူန်းတိုည်းတိုအီးဒါခံင်ယိူည်ႇ(15)အီးကာည်း တိုအီးကဇိူရ်ႈကယံင်းခံင်ယိူည်ႇ(1)အီး ကဂေါပ်တောပ် ဖိင်းလူည်း(၁)ကဘဲဝ်ကာည်း ဆနံမ်းယာမ(70)ကအာင်။ ႎါည်ဒီန် ဘိူန်းတိုည်းဘိုး တိုအီးကဇိူရ်ႈကယံင်းခံင်ယိူည်ႇ အီပ်ုန်(1)အီး  ပလှံင်ကိုက်ခည်း ကဂေါပ်တောပ် ဖိင်းလူည်း(2)ကဘဲဝ်ကာည်း ဂြိုခြီုင်အီကဆီုဝ်ကဆဲင် တခံင်ယိူည်ႇကဲနီန်အောႏ။

ပ်ုန်ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇကဲနီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA နှာင်းတိူဝ်ႈဟာဝ်းအရေး တောပ်လိူည်ဘည်ဥပဒေ တီုက်ယာႈအရေးခံင်ယိူည်ႇ၊ ဆာ်မိုႈ တိုအီးဒါခံင်ယိူည်ႇကဲနီန်စီ နှာင်းတိုန်းဟာဝ်းကဲဘြဲဆားအကျံင် ပဆခါန်းဂါင်ဆငါး။

မိုႈဘိုး ဘံန်ဟောည်ဒေဲႈ ခေဲင်ကျံရ်ကိူရ်အူဒိူန်မာ် ဖုင်ပလိက်ကုင်တအာင်း ဘိူန်းတိုည်းတိုအီးကဇိူရ်ႈကယံင်း ခံင်ယိူည်ႇ(9)အီးကာည်း တိုအီးဒါခံင်ယိူည်ႇ(30)အီးအောႏ။

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း