ပလိက်ကုင်တအာင်း တိုည်းထိင်အူန်းအီမာည်းအူအီး လူည်ႇအမှုငံန်တေဲင်ကောန်အီပ်ုန်ဒဲႇ အဆာက်ညှံမ်နိုက် ပလှံင်အိုမ်ငျံရ်
23 December 2025
ပလိက်ကုင်တအာင်း တိုည်းထိင်အူန်းအီမာည်းအူအီး လူည်ႇအမှုငံန်တေဲင်ကောန်အီပ်ုန်ဒဲႇ အဆာက်ညှံမ်နိုက် ပလှံင်အိုမ်ငျံရ်
အိုမ်ငျံရ်၊ ကျံရ်ကိူရ်အာရ် ဆငည်း(22)
ဆဒါင်ကုင်တအာင်း
ပလိက်ကုင်တအာင်း တိုည်းထိင်အူန်းအီမာည်းအူအီး လူည်ႇအမှုငံန်တေဲင်ကောန်အီပ်ုန်ဒဲႇ အဆာက်ညှံမ်နိုက် ပလှံင်အိုမ်ငျံရ်၊ အိူင်အိုမ်ယ်ုရ်၊ ခေဲင်ကုင်တအာင်း။
ဘည်မိုႈအ်ုန် ဘံန်ဟောည်ႇဒေဲႈ ကျံရ်ကိူရ်အာရ် ဆငည်း(14) အခိင်ရမှိူဝ်(8:00)နြီဒိူန် ကဝ်အီဇီုဝ် မာည်းအံင်ထေး အဆာက်(24)ဆန်ုမ် ႎါည်အ်ုန်တျံင်ဘာႈမံဝ်း အ်ုန်စီလီပ်အီတ်ခေဲင်ဂါင် ကောန်အီပ်ုန်ဒဲႇဂဲဒီန်။
ႎါည်ဒီန် အ်ုန်စီကယာင်ဇေဝ်လူည်ႇဟာဝ်း အမှုငံန်တေဲင်ကောန်အီပ်ုန်ဒဲႇ အ်ုန်စီက္လာင်းကပျော ကောန်အီပ်ုန်ဒဲႇဒီန် ဒါႈ ဆာ်မည်းက္လာင်းကူန်ရဝ်မာဂါင် တိုအီးနှာရိူဝ်ႇဂဲနံပ် နှာင်းကယာင်ပယံမ်းဟာဝ်း တိုပိုင်းမည်း။
ကဝ်အီကတူႈလူည်ႇအမှုငံန်ကောန်အီပ်ုန်ဒဲႇဒီန် စီဝီရ်က္လာင်းရဟောမ်ရမာဂဲနံပ်။ ႎါည်ဒီန် ရဟောမ်ရမာအ်ုန်ဂဲ စီဟာဝ်းဟြာင်း တလူမ်ပလိက်လှံင်ကုင်တအာင်း။
ဘံန်ဒီန် ဖုင်ပလိက်ကုင်တအာင်း စီဟာဝ်းတိုည်းထိင်အူန်း အီမာည်းအီလူည်ႇအမှုငံန် တေဲင်ကောန်အီပ်ုန်ဒဲႇနီး နှာင်းတိူဝ်ႈလာည်းဟာဝ်းအရေး တောပ်လိူည်ဘည်ဥပဒေတြားအောႏ။
မိုႈဘိုး ဘံန်ဟောည်ႇဒေဲႈ ကျံရ်ကိူရ်အာရ် ဆငည်း(7)ဒိူန်မာ် ဖုင်ပလိက်ကုင်တအာင်း တိုည်းထိင်အူန်းအီမာည်းလူည်ႇအမှုငံန် တေဲင်ကောန်အီပ်ုန်ဒဲႇ အဆာက်ဘိူန်း (9)ဆန်ုမ် ပလှံင်အိုမ်ငျံရ် အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists