ဖုင်ပလိက်ကုင်တအာင်း ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ အီပ်ုန်(4)အီးကာည်း အီမာည်း(2)အီး ပလှံင်ကိုက်ခည်း
19 November 2025
ဖုင်ပလိက်ကုင်တအာင်း ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ အီပ်ုန်(4)အီးကာည်း အီမာည်း(2)အီး ပလှံင်ကိုက်ခည်း
ကိုက်ခည်း၊ ကျံရ်ကိူရ်အူ ဆငည်း(19)
ဆဒါင်ကုင်တအာင်း
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်း ဘိူန်းတိုည်းတိုအီး ကဇိူရ်ႈကယံင်းခံင်ယိူည်ႇ အီပ်ုန်(4)အီးကာည်း အီမာည်း(2)အီး ပလှံင်ကိုက်ခည်း၊ အိူင်ကိုက်ခည်း၊ ခေဲင်ကုင်တအာင်းအောႏ။
ဘံန်ဟောည်ႇဒေဲႈ ကျံရ်ကိူရ်အူ ဆငည်း(15) အခိင်ခီညှာ(5:00)နြီဒိူန် အခိင်ဖုင်ပလိက်ကုင်တအာင်း စေတ်မေန်းယာမ်း ခေဲင်လှံင်ကိုက်ခည်းဒိူန် ဘိူန်းတိုည်းတိုအီးကဇိူရ်ႈကယံင်း ဟေင်မီန်းဆိုး အဆာက်(23)ဆန်ုမ်ကာည်း တာအားလီန်း အဆာက်(40)ဆန်ုမ် ကဂေါပ်တောပ် ဆနံမ်းပဲန်နောႈလူတ်(74)ကအာင်၊ ႎှုင်(1)ပိုင်းကာည်း ရိူန်း(500,000)ဆဲန်ဘျာ။
မိုႈဘိုး ဆငည်းဒီန် အခိင်စူန်အံပ်(4:00)နြီမာ် ဖုင်ပလိက်လှံင်ကဲဘံ ဘိူန်းတိုည်း မဂွေဆျှိုည် အဆာက်(17)ဆန်ုမ်ကာည်း ယာအစိင် အဆာက်(30)ဆန်ုမ် ဆနံမ်းပဲန်နောႈလူတ်(5)ထူပ်၊ ဖိင်လူည်းဟံပ်ခေဲင်က္လောက်ဆပ်ပျာ(3)က္လောက်၊ ဆဲင်ကယ်(CANDA)(1)ကြောင်ကာည်း ရိူန်း(18,000)ဘျာ။
ဆဲႈဒီန် ဘံန်ဟောည်ႇဒေဲႈ ကျံရ်ကိူရ်အူ ဆငည်း(16) အခိင်စူန်အံပ်(4:00)နြီဒိူန် ဖုင်ပလိက်လှံင်ကဲ ဘိူန်းဘိုးတိုည်း ယာအေစာ အဆာက်(32)ဆန်ုမ်ကာည်း ယာကော် အဆာက်(23)ဆန်ုမ် ကဂေါပ်တောပ် ဖိင်လူည်းဟံပ်ခေဲင်က္လောက်ဆပ်ပျာ(5)က္လောက်၊ ဆဲင်ကယ်(1)ကြောင်၊ ႎှုင်(1)ပိုင်း၊ ရိူန်းဘြာန် (75,000)ဘျာ ကာည်း ရိူန်းခယ်ယွမ်(150)ယွမ်အောႏ။
တိုအီးကဇိူရ်ႈကယံင်းခံင်ယိူည်ႇကဲဒီန် ဖုင်ပလိက်ကုင်တအာင်း တိုည်းထိင်အူန်း နှာင်းတိူဝ်ႈလာည်းဟာဝ်းအရေး တောပ်လိူည်ဘည်ဥပဒေ တီုက်ယာႈအရေးခံင်ယိူည်ႇ။
ကျံရ်ကိူရ်အူ ခေဲင်အာရ်နှာလေႈနီန်း ခေဲင်ကုင်တအာင်း၊ လှံင်ကိုက်ခည်း၊ မိုဂူႈ၊ မိူင်လိုင်ကာည်း လှံင်ရူကောကဲနီန် ဖုင်ပလိက်ကုင်တအာင်း ဘိူန်းတိုည်းတိုအီးဒါခံင်ယိူည်ႇ(17)အီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists