ဖုင်ပလိက်ကုင်တအာင်း ဘိူန်းတိုည်းတိုအီးဘြားဆဲင်ကယ် အီမာည်းအူအီး ပလှံင်မိူင်လိုင်
18 November 2025
ဖုင်ပလိက်ကုင်တအာင်း ဘိူန်းတိုည်းတိုအီးဘြားဆဲင်ကယ် အီမာည်းအူအီး ပလှံင်မိူင်လိုင်
မိူင်လိုင်၊ ကျံရ်ကိူရ်အူ ဆငည်း(18)
ဆဒါင်ကုင်တအာင်း
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်း ဘိူန်းတိုည်းတိုအီးဘြား ဆဲင်ကယ် အီမာည်းအူအီး ပလှံင်မိူင်လိုင်၊ အိူင်မိုဂူႈ၊ ခေဲင်ကုင်တအာင်းအောႏ။
ကဝ်အီဇီုဝ် စော်တဲက်အူး အဆာက်(24)ဆန်ုမ် ဂေါည်ပရဝ်လောည်အံ လှံင်မိူင်လိုင် အ်ုန်စီဒေဲႈရေဲန်ဇီုင်းကာန် ပလှံင်မိူင်လိုင် ဂေါႇမိုႈဇီုင်းကာန်ရေဲန်အ်ုန်အာဝ်ပဲန် မိူဝ်ႈကီန်ဒည်း ခည်မိုႈ ကျံရ်ကိူရ်အူ ဆငည်း(16)ဒိူန် အခိင်ကညာဂါင်ဒီအ်ုန်ဇီုင်းဒီန် ဟာဝ်းနှာရိူဝ်ႇ အ်ုန်တိူဝ်ႈဘြားဟာဝ်း ဆဲင်ကယ်(CANDA) အူကြောင် အီဂေါည်ခေဲင်ဂါင်ဘည်ဒီန်အောႏ။
အခိင်ကညာဂါင် ဝီရ်ဒေဲႈရောတ်တဂါင် ဂေါႇမိုႈအ်ုန်အာဝ်ယိူဝ်းဆဲင်ကယ်ဒီန် အ်ုန်စီဟြာင်းဟိုက် တလူမ်ပလိက် လှံင်မိူင်လိုင် ဖုင်ပလိက်ကဲ စီလည်တီပ်ဟြီုက်ယိူဝ်း အီမာည်းဒီန်ကဂေါပ်တောပ် ဆဲင်ကယ်ဘြားဟာဝ်းအ်ုန် ပဇံင်အံင်ယဲတ်။
ဝါည်ဒီန် ဖုင်ပလိက်လှံင်ကဲ ဟောည်ႇဝီရ်အာပ်ဒဲႈဟာဝ်း ဆဲင်ကယ်ပ်ုန်ဘြားဒီန် တညာအ်ုန် ဆာ်မိုႈ အီမာည်းကဝ်အီလူည်ႇအမှုဘြားဒီန် ဖုင်ပလိက်ကုင်တအာင်း နှာင်းတိူဝ်ႈလာည်းအရေးတအ်ုန် တောပ်လိူည်ဘည်ဥပဒေအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists