27 October 2025

ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ပလှံင်မှိူမ်မီုတ် လံက်ဟာဝ်း ဂါင်ဂေါည် (1)ဂါင် လူလှဲဝ်ႏဟာဝ်း

မှိူမ်မီုတ်၊ ကျံရ်အူကိူရ်၊ ဆငည်း27

ဆဒါင်ကုင်တအာင်း 

ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ပလှံင်မှိူမ်မီုတ် လံက်ဟာဝ်း ဂါင်ဂေါည် (1)ဂါင် လူလှဲဝ်ႏဟာဝ်း။ 

ဆငည်းအဒိူဝ်နီး အခိင် ရဆံန် (12:23)မေနဲတ် ဆီုက်ဘြာန်ဇေဝ်ဂဲ ရောတ်ဒေဲႈပဴင်ပ္လေဘျုင် ထာန်ဇံန် (500) အူပိုင်း ပရဝ်မာန်ကျည်းပင် ကာည်း ပ္လေထာန်ဇံန် (250)အူပိုင်း လံက်ဟာဝ်းဂါင်ဂေါည်ကူန်ရဝ်မာဂါင် အူဂါင် လူလှဲဝ်ႏဟာဝ်း။  

ခေဲင်ကျံရ်အူကိူရ် ဇူႈဆငည်း(1)ရောတ် ဆငည်း (26)နီန် ဂေါႇပ္လေဘျုင်ပဴင်ဆီုက်ဘြာန်ဇဝ်ဂဲဘည်ဒီန် လံက်ဟာဝ်း စဝ်ဆာင်ခါ (2)ပါး၊ ကောန်ကညောမ် (10)အီး၊ ကောန်အီမာည်း(16)အီး၊ ကောန်အီပ်ုန်(21)အီးယံမ်း စဝ်ဆာင်ခါ(6)ပါး၊ ကောန်ဒဲႇ(26)အီး၊ အီမာည်း(20)အီး၊ ကောန်အီပ်ုန်(19)အီး ကတူႈဘာတ်၊ ဂါင်ဂေါည်(173)ဂါင်၊ ကျောင်ပနောဘေဲႇ (5)ကျောင်၊ ကျောင်စဝ် (7)ကျောင်၊ ႎှါင်းကျောင်(9)ႎှါင်း ၊ ဂါင်ႎါႈ(6)လှေ၊ လိုင်း‌ဒီဟျံင်အျံရ်(2)လိုင်း၊ ဂါင်ဆဲင်(5)ဆဲင်၊ ယုင်စာက်မျံမ် (1)ယုင်၊ ဆဲင်ကယ် (4)ကြောင်၊ ကား (10) လူလှဲဝ်ႏဟာဝ်း။  

ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်း ဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။ 

ဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်းနီန် ပ်ုန်ဖုင်ကောန်တီုင်ကုင်အီးဘားနာက်လာက်ဂဲ ကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ် ဂဲဒါယာင်ပ်ုရ်၊ ပ္လေဒါင်း ကာည်း ဒရိုင်း လည်ဒေပဴင်ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲအောႏ။ 

#PSLF/TNLA

#တီုင်‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း