ပရဝ်ကယားဒါင်း ငံရ်ဝါယာပဲန်ဆျှောတ် ပဲန်ငံရ်က္လိုႇဟာဝ်းဂါင်အူဂါင်
23 October 2025
ပရဝ်ကယားဒါင်း ငံရ်ဝါယာပဲန်ဆျှောတ် ပဲန်ငံရ်က္လိုႇဟာဝ်းဂါင်အူဂါင်
အိုမ်ယ်ုရ်၊ ကျံရ်အူကိူရ် ဆငည်း(23)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ယ်ုရ်၊ ပရဝ်ကယားဒါင်း ငံရ်ဝါယာပဲန်ဆျှောတ် ပဲန်ငံရ်က္လိုႇဟာဝ်းဂါင်အူဂါင်။
ဘည်မိုႈအ်ုန် ဘံန်ဟောည်ႇဒေဲႈ ကျံရ်အူကိူရ် ဆငည်း(20)ဒိူန် အခိင်ရဆံန်(2:30)နြီ ပရဝ်ကယားဒါင်း၊ ဇံင်(4) ပဂါင်ဂေါည် တာအထူး ငံရ်ဝါယာပဲန်ဆျှောတ် ပဲန်ငံရ်က္လိုႇဟာဝ်းဂါင်၊ ဂေါႇပဲန်ငံရ်က္လိုႇဂါင်ဘည်ဒီန် ဆဲင်ကယ်(1)ကြောင်၊ စဲတ်ဘိင်(2)ကြောင်၊ ဂြိုခြီုင်အီဂေါည်ခေဲင်ဂါင်ဂဲ ကဆူမ်းဟာဝ်းဒိုႇ ကစုကပိုမ်ငေါႈခံန်အ်ုန်မိုႈ (70)ဆဲန်ဘျာအောႏ။
ဒီပဲန်က္လိုႇဟာဝ်းဒီန် ကူန်ရဝ်မာဂါင်ဂဲ ကဇောည်ဒေပျံတ်ယံတ်ဟာဝ်းငံရ် အခိင်(3)နြီဒိူန် ဂဲဘယ်ဒေပျံတ်ယံတ်ဟာဝ်းငံရ်။
ဘံန်ဟောည်ႇဒေဲႈ ကျံရ်တီမ် ဆငည်း(12)ဒိူန်မာ် ပလှံင်အေဲမ်ခြီရ် ရဝ်ကောင်တံပ် ဒီဂေါည်ကောန်ကျောင်ဂဲ ကျောင် (2)ထာပ် ငံရ်ဝါယာပဲန်ဆျှောတ် ပဲန်ငံရ်က္လိုႇဟာဝ်းဂါင်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists