ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ဘိုး ပ္လေဘျုင် ပလှံင်မိုဂူႈ
20 October 2025
ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ဘိုး ပ္လေဘျုင် ပလှံင်မိုဂူႈ
မိုဂူႈ၊ ကျံရ်အူကိူရ် ဆငည်း(20)
ဆဒါင်ကုင်တအာင်း
ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် ပရဝ်စောက်ဖား ကဒါႇလံပ်က်ုတ်ဆငည်းလှံင်မိုဂူႈ၊ ခေဲင်ကုင်တအာင်း။
ဘည်မိုႈအ်ုန် ဆငည်း(19) အခိင်ရဆံန် (2:06)မနေတ်ဒိူန် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင် ပ္လေဘျုင် ထာန်ဇံန်(250)(1)ပိုင်း ပလှံင်မိုဂူႈ စီဇောႈပဒူႈဟာဝ်း တေဲင်လိုင်းဒီဟျံင်အျံရ်။
ဆဲႈဒီန် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ပလှံင်အိုမ်ယ်ုရ်၊ လှံင်ရူကောကာည်း လှံင်ကုင်ငှေါ၊ ခေဲင်ကုင်တအာင်း လံက်ကူန်ရဝ်မာဂါင်ဂဲ (2)အီး ကတူႈဘာတ်။
ခေဲင်ကျံရ်အူကိူရ် ဇူႈဆငည်း(1)ရောတ် ဆငည်း (18)နီန် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ်ရောတ်ဒေဲႈပဴင်ပ္လေဘျုင် ပလှံင်ရူကော(1)လိူဝ်ႈ၊ ပလှံင်မာဝ်းႎံင်း (3)လိူဝ်ႈ၊ လှံင်ဆဘော (5)လိူဝ်ႈ၊ လှံင်ကုင်ငှေါ(1)လိူဝ်ႈ၊ လှံင်မိူင်လိုင် (4)လိူဝ်ႈ၊ လှံင်အိုမ်ယ်ုရ် (5)လိူဝ်ႈ၊ လှံင်အိုမ်ငျံရ် (5)လိူဝ်ႈ၊ လှံင်မှိူမ်မီုတ်(3)လိူဝ်ႈ ကာည်း လှံက်မိုဂူႈ (1)လိူဝ်ႈ ကစုကပိုမ် ဟည်မိုႈ(28)လိူဝ်ႈ။
ဂေါႇပ္လေဘျုင်ပဴင်ဆီုက်ဘြာန်ဇဝ်ဂဲဘည်ဒီန် လံက်ဟာဝ်းတောပ် စဝ်ဆာင်ခါ(2)ပါး၊ ကောန်ဒဲႇ (8)အီး၊ ကောန်အီမာည်း(12)အီး၊ အီပ်ုန်(19)အီးယံမ်း၊ မိုႈဘိုး ကောန်ဒဲႇ(11)အီး၊ ကောန်အီမာည်း(16)အီး၊ ကောန်အီပ်ုန်(17)အီး ကတူႈဘာတ်၊ ဂါင်ဂေါည်(138)ဂါင်၊ ကျောင်ပနောဘေဲႇ (3)ကျောင်၊ ကျောင်စဝ် (3)ကျောင်၊ ႎှါင်းကျောင်(7)ႎှါင်း ကာည်း ဂါင်ႎါႈ(4)လှေ လူလှဲဝ်ႏဟာဝ်း။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်းအောႏ။
ကညာအာဏာဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်းနီန် ပ်ုန်ဖုင်ကောန်တီုင်ကုင်အီးဘားနာက်လာက်ဂဲ ကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ် ဂဲဒါယာင်ပ်ုရ်၊ ပ္လေဒါင်း ကာည်း ဒရိုင်း လည်ဒေပဴင်ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists