17 October 2025

ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် ပလှံင်မှိူမ်မီုတ် လံက်အီပိုန်(1)အီး ကတူႈဖေးဘာတ် 

မှိူမ်မီုတ်၊ ကျံရ်အူကိူရ် ဆငည်း(17)

ဆဒါင်ကုင်တအာင်း 

ကုင်တအာင်း၊ အိူင်မိုဂူႈ၊ လှံင်မိုဂူႈ၊ အာဝ်မိူဝ်ႈ ပဲန်ကတီုက်ကပဴင်မာ် ဆီုက်ဘြာန်ဇေဝ် ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် လံက်အီပ်ုန်(1)အီး ကတူႈဖေးဘာတ်။  

ကျံရ်အူကိူရ် ဆငည်း(16) အခိင်ရမှိူဝ်(6:20)မိနေတ်ဒိူန် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် ထာန်ဇံန်(500)(1)ပိုင်း ကာည်း ထာန်ဇံန်(250)(1)ပိုင်း ပဇံင်လံပ်ကြ်ုမ်၊ လှံင်မှိူမ်မီုတ်။ ဂေါႇပ္လေဘျုင်ပဲင် ဆီုက်ဘြာန်ဇေဝ်ဂဲဘည်ဒီန် လံက်ဟာဝ်း ယာအုံဆျှိုည် အဆာက်(50)ဆန်ုမ် ကတူႈဖေးဘာတ်၊ ကားအူကြောင်ကာည်း ဂါင်ဂေါည်(2)ဂါင်လူလှဲဝ်ႏဟာဝ်း။ 

မိုႈဘိုး ဘံန်ဟောည်ႇဒေဲႈ ကျံရ်အူကိူရ် ဆငည်း(10)ဒိူန် အာဝ်မိူဝ်ႈပဲန်ကတီုက်ကပဲင်မာ် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် ထာန်ဇံန်(250)(2)ပိုင်းကာည်း ပ္လေဒါင်း(ရော့ကဒ်)(6)ပိုင်း တပြောရဝ်အော်င်မျေ၊ လှံင်မှိူမ်မီုတ်။ 

ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။ 

ဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်းနီန် ပ်ုန်ဖုင်ကောန်တီုင်ကုင်အီးဘားနာက်လာက်ဂဲ ကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ် ဂဲဒါယာင်ပ်ုရ်၊ ပ္လေဒါင်း ကာည်း ဒရိုင်း လည်ဒေပဴင်​ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲအောႏ။ 

#PSLF/TNLA

#တီုင်‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း