ဘည်တိူရ်ႈလိူရ်ႈယိူဝ်း ဆီုက်ဘြာန်ဇေဝ်ဂဲ လူည်ႇအီုင်ဂ္လံတ်ဆီုက်
11 October 2025
ဘည်တိူရ်ႈလိူရ်ႈယိူဝ်း ဆီုက်ဘြာန်ဇေဝ်ဂဲ လူည်ႇအီုင်ဂ္လံတ်ဆီုက်
မိူင်လိုင်၊ ကျံရ်အူကိူရ် ဆငည်း(11)
အရာင်ဆဒါင်
အရာင်ဆဒါင်နီန် မိုႈ ဘည်တိူရ်ႈလိူရ်ႈယိူဝ်း ဘံန်ဟောည်ႇဒေဲႈ ကျံရ်အူကိူရ် ဆငည်း(7) အခိင်ရဆံန်(12:30)နြီဒိူန် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ပ္လေႈပ္လေဘျုင် ဘည်လံက်လူလှဲဝ်ႏဟာဝ်း ဒီဂေါည်ကူန်ရဝ်မာဂါင်ဂဲ ခေဲင်ရဝ်မာန်ဟိုင်း၊ ခမိုနံမ်ခိုမ်၊ လှံင်မိူင်လိုင် ခေဲင်ကုင်တအာင်း။
ဒီအာဝ်မိူဝ်ႈဆီုက်နာန်းကဲနီန်မာ် ဂေါႇဆီုက်ဘြာန်ဇေဝ်ဂဲ ဒါနောႈကယေင်တေဲင်ကူန်ရဝ်မာဂါင်ဂဲ ဒါပ္လေဘျုင်ထာန်ဇံန်(250)(2)ပိုင်း ကာည်း ပ္လေဒါင်း(6)ပိုင်း ရောတ်ဒေဲႈပဴင် လံက်ဟာဝ်း အီမာည်း(5)အီး၊ အီပ်ုန်(5)အီးယံမ်း ခေဲင်ဒီန်အ်ုန်တောပ် ကောန်ဒဲႇ(3)အီး။ ဆဲႈဒါႇဒီန် ဂါင်ကူန်ရဝ်မာဂါင်ဂ(6)ဂါင်မာ် လံက်လူလှဲဝ်ႏဟာဝ်းအောႏ။
ဆီုက်ဘြာန်ဇေဝ်ဂဲ ဒါနောႈကယေင် ဆိင်ရေဲန်ဒဲႈ ကူန်ရဝ်မာဂါင်ဂဲယံမ်းဘည်နီန်၊ ဂဲပ်ုန်ကယေင် အာဝ်ဆိင်ဒဲႈ ကူန်ရဝ်မာဂါင်ဂဲ အာဝ်ယဒေဂေါည်ခေဲင်လှံင်၊ ဒါယာင်ပ်ုရ် ကာည်း ပ္လေဒါင်း ပဴင်ပ္လေဘျုင် လူည်ႇဟာဝ်းအီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲ ဒီအာဝ်မိူဝ်ႈဆီုက်နာန်း ကာည်း ဒီဂေါည်ဂီုန်းတိုအီး ဘည်နီန်အောႏ။
ဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်းနီန် ဒီမိုႈ ပ်ုန်ဖုင်ကောန်တီုင်ကုင် အီးဘားလာက်နာတ်ဂဲကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ်၊ ဂဲဒါ ယာင်ပ်ုရ်၊ ပ္လေဒါင်း၊ ဒရိုင်းကဲနီန်လည်ဒေပဴင် ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲ ဘည်နီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists