ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် ပရဝ်ဝဲဘောင် လံက်ကူန်ရဝ်မာဂါင်ဂဲ(7)ယံမ်း ခေဲင်ဒီန်အ်ုန်တောပ်ကောန်ဒဲႇ(2)အီး၊ ကူန်ရဝ်မာဂါင်ဂဲ(8)အီး ကတူႈဖေးဘာတ်
10 October 2025
ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် ပရဝ်ဝဲဘောင် လံက်ကူန်ရဝ်မာဂါင်ဂဲ(7)ယံမ်း ခေဲင်ဒီန်အ်ုန်တောပ်ကောန်ဒဲႇ(2)အီး၊ ကူန်ရဝ်မာဂါင်ဂဲ(8)အီး ကတူႈဖေးဘာတ်
မှိူမ်မီုတ်၊ ကျံရ်အူကိူရ် ဆငည်း(10)
ဆဒါင်ကုင်တအာင်း
ကုင်တအာင်း၊ အိူင်မိုဂူႈ၊ လှံင်မှိူမ်မီုတ်၊ ကျံရ်အူကိူရ် ဆငည်း(9) အခိင်ခီမှိူဝ်(7)နြီထာန်နီး ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် ပရဝ်ဝဲဘောင် လံက်ကူန်ရဝ်မာဂါင်ဂဲ(7)အီးယံမ်း ခေဲင်ဒီန်အ်ုန်တောပ်(2)အီး၊ ဒါႇခူဒီန် ကူန်ရဝ်မာဂါင်ဂဲ(8)အီး ကတူႈဟာဝ်းဖေးဘာတ်။
ဆီုက်ဘြာန်ဇေဝ်ဂဲနီန် အာဝ်မိူဝ်ႈပဲန်ကတီုက်ကပဴင်မာ် ဂဲဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် ထာန်ဇံန်(250)(3)ပိုင်း၊ ဂေါႇဆီုက်ဘြာန်ဇေဝ်ဂဲ ဒေဲႈပဴင်ပ္လေဘျုင်ဘည်ဒီန် လံက်ဟာဝ်းဘိုး ဂါင်(10)ဂါင် လူလှဲဝ်ႏ။
ဘံန်ဟောည်ႇဒေဲႈ ကျံရ်အူကိူရ် ဆငည်း(7)ဒိူန်မာ် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ထာန်ဇံန်(250)(2)ပိုင်း ပရဝ်မာန်ဟိုင်း လှံင်မိူင်လိုင် လံက်ကူန်ရဝ်မာဂါင်ဂဲ(10)အီးယံမ်း ခေဲင်ဒီန်အ်ုန်တောပ်(1)အီး၊ (3)အီး ကတူႈဖေးဘာတ်။
ဆီုက်ဘြာန်ဇေဝ်ဂဲ ဒါနောႈကယေင် ဂဲဒါယာင်ပ်ုရ်လည်ဒေပဴင်ပ္လေဘျုင် တေဲင်ကူန်ရဝ်မာဂါင်ဂဲ၊ ဂေါႇဘည်ဒီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းဆဒိ ကနာည်နံင်ဘယ်ဒဝ်းလောတ်ဘိုန်ဒါႇ ယာင်ပ်ုရ်၊ ပ္လေဒါင်းကာည်း ဒရိုင်းပဴင်ဆီုက်ဘြာန်ဇေဝ်ဂဲနီန်၊ ဒါႇခူဒီန် ဆိင်ပ္လူႈဒဲႈဆဒိ တကူန်ရဝ်မာဂါင်အယ်ဂဲ လိုတောပ်ရဒေင် ဘည်ပ္လိူရ်ႈနှဲအူန်း ဘည်လိုဒီဒံန်ခြဲ ကဆီုဝ်ယာင်ပ်ုရ်နီန်အောႏ။
ဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်းနီန် ပ်ုန်ဖုင်ကောန်တီုင်ကုင်အီးဘားနာက်လာက်ဂဲ ကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ် ဂဲဒါယာင်ပ်ုရ်၊ ပ္လေဒါင်း ကာည်း ဒရိုင်း လည်ဒေပဴင်ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists