ဆီုက်ဘြာန်ဇေဝ်ဂဲ ဒါယာင်ပ်ုရ် ပ္လေႈပ္လေဘျုင် တကပီုက်ရဝ်နံမ်မာန် ခေဲင်လှံင်မာဝ်းႎံင်း
09 October 2025
ဆီုက်ဘြာန်ဇေဝ်ဂဲ ဒါယာင်ပ်ုရ် ပ္လေႈပ္လေဘျုင် တကပီုက်ရဝ်နံမ်မာန် ခေဲင်လှံင်မာဝ်းႎံင်း
မာဝ်းႎံင်း၊ ကျံရ်အူကိူရ်၊ ဆငည်းတီမ်
ဆဒါင်ကုင်တအာင်း
ဆီုက်ဘြာန်ဇေဝ်ဂဲ ဒါယာင်ပ်ုရ် ပ္လေႈပ္လေဘျုင်ထာန်ဇံန်(250) (2)ပိုင် တကပီုက်ရဝ်နံမ်မာန် ခေဲင်လှံင်မာဝ်းႎံင်း။
ကပီုက်နံမ်မာန်ဒီန် လီပ်တီုက်နာန်း1027 ဒေါန်အူဒိူန်မာ် အူလိူဝ်ႈ ဆီုက်ဘြာန်ဇေဝ်ဂဲ ဟောည်ႇပ်ုန်လူလှဲဝ်ႏ ဒေါန်အာရ်နီးမာ် ဆီုက်ဘြာန်ဇေဝ်ဂဲ ပ်ုန်လူလှဲဝ်ႈဘိုး ကပီုက်နံမ်မာန်အောႏ။
ဆဲႈဒီန် ဆငည်း(7)ဒိူန် အခိင်(11:05)နြီထာန်နီး ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေပ္လေႈပဴင်ပ္လေဘျုင် ထာန်ဇံန်(250) (2)ပိုင် ခေဲင်လှံင်ကုင်ငှေါ ဇံင်မာန်လိုင်။ ပ္လေပ်ုန်ပဴင်ဆီုက်ဘြာန်ဇေဝ်ဂဲ စီဇာ်ႈဟာဝ်း ပဇံင်က္လာႈ (2)ပိုင်၊ ဇံင်တာလိုင်(2)ပိုင် စီလံက်ဟာဝ်းပွံတ် ကောန်အီမာည်း(1)အီး ကာည်း ကောန်အီပ်ုန်(1)အီးယံမ်း (2)အီးကတူႈဖေးဘာတ်ဒါင်း ဂါင်ဂေါည်ကူန်ရဝ်မာဂါင် (8)ဂါင်မာ် လံက်လူလှဲဝ်ႏဟာဝ်းဂီုန်းခည်း။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists