ဂေါႇဆီုက်ဘြာန်ဇေဝ်ဂဲ ဒေဲႈပဴင်ဘိုးပ္လေဘျုင် ပလှံင်ကုင်ငှေါ လံက်ဟာဝ်း(1)အီးကာည်း အီပ်ုန်(1)အီး ယံမ်း၊ (2)အီး ကတူႈဖေးဘာတ်
08 October 2025
ဂေါႇဆီုက်ဘြာန်ဇေဝ်ဂဲ ဒေဲႈပဴင်ဘိုးပ္လေဘျုင် ပလှံင်ကုင်ငှေါ လံက်ဟာဝ်း(1)အီးကာည်း အီပ်ုန်(1)အီး ယံမ်း၊ (2)အီး ကတူႈဖေးဘာတ်
ကုင်ငှေါ၊ ကျံရ်အူကိူရ် ဆငည်း(8)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ဒေဲႈပဴင်ဘိုးပ္လေဘျုင် ထာန်ဇံန်(250)(2)ပိုင်း ပလှံင်ကုင်ငှေါ လံက်ဟာဝ်း အီမာည်း(1)အီးကာည်း အီပ်ုန်(1)အီးယံမ်း၊ (2)အီး ကတူႈဖေးဘာတ်။
ကျံရ်အူကိူရ် ဆငည်း(8) အခိင်ခီညှာ (11:05)မိနေတ်ဒိူန် ဆီုက်ဘြာန်ဇေဝ်ဂဲ ဒါယာင်ပ်ုရ် ဒေဲႈပဴင်ပ္လေဘျုင် ထာန်ဇံန်(250) ရအာည်ႇလူမ်ပလိက် ရဝ်မာန်လိုင် (2)ပိုင်း၊ ဂဲဒါဘိုး ရော့ကဒ် ပဴင်ပ္လေဘျုင် ပဇံင်က္လာႈ(2)ပိုင်းကာည်း ပဇံင်တာလိုင်(2) ပိုင်း။
ဂေါႇပ္လေဘျုင်ပဲင် ဆီုက်ဘြာန်ဇေဝ်ဂဲဘည်ဒီန် လံက်ဟာဝ်း ယာလှယီ အဆာက်(50)ဆန်ုမ်၊ တာဆျှိုည်ဟိုင်း အဆာက်(56)ဆန်ုမ် ယံမ်းဟာဝ်း၊ မိုႈဘိုး ထိုည်းထိုည်းအံင် အဆာက်(18)ဆန်ုမ်၊ တာတီန်မံင်အေး အဆာက်(50)ဆန်ုမ် ကတူဘာတ်။ ဆဲႈဒါႇဒီန် ကူန်ရဝ်မာဂါင်ဂဲ(8)ဂါင်မာ် လံက်လူလှဲဝ်ႏ။
မိုႈဘိုး ကျံရ်အူကိူရ် ဆငည်း(7) အခိင်ရဆံန်(12:30) နြီဒိူန် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ်ရောတ်ဒေဲႈပဴင်ပ္လေဘျုင် ထာန်ဇံန်(250)(2)ပိုင်း ပရဝ်မာန်ဟိုင်း လှံင်မိူင်လိုင် လံက်ဟာဝ်း တောပ်ဘိုးကောန်ဒဲႇ(1)အီး ကူန်ရဝ်မာဂါင်ဂဲ(10)အီး ယံမ်း၊ (3)အီး ကတူႈဖေးဘာတ်။ဆဲႈဒီန် လံက်ဟာဝ်းဘိုး ဂါင်(6)ဂါင် လူလှဲဝ်ႏ။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
ဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်းနီန် ပ်ုန်ဖုင်ကောန်တီုင်ကုင်အီးဘားနာက်လာက်ဂဲ ကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ် ဂဲဒါယာင်ပ်ုရ်၊ ပ္လေဒါင်း ကာည်း ဒရိုင်း လည်ဒေပဴင်ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists