08 October 2025

ဆီုက်ဘြာန်ဇေဝ်ဂဲ ပ္လေႈပ္လေဘျုင် ပရဝ်မာန်ဟိုင်း လံက်ဟာဝ်း ကူန်ရဝ်မာဂါင်(10)အီး တောပ်ဘိုး ကောန်ဒဲႇ(1)အီး ယံမ်း ၊ (3)အီး ကတူႈဘာတ်

မိူင်လိုင်၊ ကျံရ်အူကိူရ်၊ ဆငည်း( 8 )

ဆဒါင်ကုင်တအာင်း

ဆီုက်ဘြာန်ဇေဝ်ဂဲ ပ္လေႈပ္လေဘျုင်(250) (2)ပိုင်း လှံင်မိူင်းလိုင်၊ ပရဝ်မာန်ဟိုင်း လံက်ဟာဝ်း ကူန်ရဝ်မာဂါင်(10)အီး တောပ်ဘိုး ကောန်ဒဲႇ(1)အီး ယံမ်း၊ (3)အီး ကတူႈဘာတ်။

ဆငည်းအမှိူဝ် အခိင် ရဆံန် (12:30)ထာန်နီး ဆီုက်ဘြာန်ဇေဝ်ဂဲ ရောတ်ဒေပ္လေႈပ္လေဘျုင်(250) (2)ပိုင်ဘည်ဒီန် ဂေါႇပ္လေဘျုင်ပဴင်ဆီုက်ဘြာန်ဇေဝ်ဂဲ တာအိုက်ဆာန် ဘိူန်းအဆာက် (37)ဆန်ုမ်၊ တာစံန်ပွင့် ဘိူန်းအဆာက်(35)ဆန်ုမ်၊ တာဆဲင်အံင်ဆာ ဘိူန်းအဆာက်(29)ဆန်ုမ်၊ တာအိုက်ထဲက် ဘိူန်းအဆာက် (27)ဆန်ုမ်၊ ယာအုင်ခီန် ဘိူန်းအဆာက် (45)ဆန်ုမ်၊ ယာလှစိင် ဘိူန်းအဆာက်(25)ဆန်ုမ်၊ယာအေမေ ဘိူန်းအဆာက် (39)ဆန်ုမ်၊ ယာခီန်ပ ဘိူန်းအဆာက် (29)ဆန်ုမ်၊ ယာအေတိတ် ကာည်း မာည်းအိုက်အူ ဘိူန်းအဆာက် (2)ဆန်ုမ် လံက်ယံမ်းဟာဝ်း ကူန်ရဝ်မာဂါင် (3)အီးမာ် ကတူႈဘာတ်ဒါင်းဟာဝ်း ဆဲႈဒီန် ဂါင်ဂေါည် (6)ဂါင်လူလှဲဝ်ႏဟာဝ်းအောႏ။

မိုႈဘိုး ပလှံင်အိုမ်ငျံရ် အခိင်(7:33)နြီ  ပဇံင်(8) ဆီုက်ဘြာန်ဇေဝ်ဂဲ ဒါပွံတ်ယာင်ပ်ုရ် ကယေင်ပဴင် ဒီဂေါည်ကူန်ရဝ်မာဂါင် လံက်ဟာဝ်း ကျောင်စဝ်ပုဗ္ဗာ ကတူႈလံက်လူလှဲဝ်ႏဟာဝ်းဂီုန်းပွံတ်အခည်းအောႏ။                                                        

ဆဲႈဒီန် ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ ယာင်ပ်ုရ်ကာည်း ဒရိုင်းပဴင်ဆီုက်ဘြာန်ဇေဝ်ဂဲ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။

ဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်းနီန် ဒီမိုႈ ပ်ုန်ဖုင်ကောန်တီုင်ကုင် အီးဘားလာက်နာတ်ဂဲကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ်၊ ဂဲဒါ ယာင်ပ်ုရ်၊ ပ္လေဒါင်း၊  ဒရိုင်းကဲနီန်လည်ဒေပဴင် ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲ ဘည်နီန်အောႏ။

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း