အမှိူဝ်ဒိူန်ဆငည်းပ္လေါည်လေႈဝါ ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုး ပ္လေဘျုင် ပလှံင်အိုမ်ငျံရ်
08 October 2025
အမှိူဝ်ဒိူန်ဆငည်းပ္လေါည်လေႈဝါ ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုး ပ္လေဘျုင် ပလှံင်အိုမ်ငျံရ်
အိုမ်ငျံရ်၊ ကျံရ်အူကိူရ် ဆငည်း(8)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ အမှိုဝ်ဒိူန်ဆငည်းပ္လေါည်လေႈဝါ ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈ ပဴင်ပ္လေဘျုင် ခေဲင်လှံင်အိုမ်ငျံရ် လံက်ဟာဝ်းဂါင် (13)ဂါင် လူလှဲဝ်ႏ။
ကျံရ်အူကိူရ် အမှိူဝ်ဆငည်း(6) အခိင်(7:30)ဒိူန် ဆီုက်ဘြာန်ဇေဝ်ဂဲ ဒါနောႈကယေင်တေဲင် ကူန်ရဝ်မာဂါင်ဂဲ ဒါဇဲတ်ႎှည်တာ ရောတ်ဲဒေဲႈပဴင်ပ္လေဘျုင် ပဇံင်က္လာႈ(2) လှံင်အိုမ်ငျံရ်။ဂေါႇပ္လေဘျုင်ဇောႈပဒူႈဘည်ဒီန် လံက်ဟာဝ်းဂါင်(6)ဂါင်လူလှဲဝ်ႏ။
မိုႈဘိုး ကျံရ်အူကိူရ် ဆငည်း(2)ဒိူန်မာ် ဂေါႇဆီုက်ဘြာန်ဇေဝ်ဂဲ ရောတ်ဒေဲႈပဴင်ပ္လေဘျုင် ပလှံင်အိုမ်ငျံရ် လံက်ဟာဝ်း ကူန်မာဂါင်ဂဲ(4)အီးယံမ်း၊ (5)အီး ကတူႈဖေးဘာတ်။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
ဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်းနီန် ပ်ုန်ဖုင်ကောန်တီုင်ကုင်အီးဘားနာက်လာက်ဂဲ ကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ် ဂဲဒါယာင်ပ်ုရ်၊ ပ္လေဒါင်း ကာည်း ဒရိုင်း လည်ဒေပဴင်ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists