ပလှံင်ဆဘော ဖုင်ပလိက်ကုင်တအာင်းဂဲ ဘိူန်းတိုည်းတိုအီးကဇိူရ်ႈကယံင်း (1)အီးကာည်း တိုအီးဒါခံင်ယိူည်ႇ(1)အီး
02 October 2025
ပလှံင်ဆဘော ဖုင်ပလိက်ကုင်တအာင်းဂဲ ဘိူန်းတိုည်းတိုအီးကဇိူရ်ႈကယံင်း (1)အီးကာည်း တိုအီးဒါခံင်ယိူည်ႇ(1)အီး
ဆဘော၊ ကျံရ်အူကိူရ် ဆငည်း (2)
ဆဒါင်ကုင်တအာင်း
ကုင်တအာင်း၊ အိူင်မာဝ်းႎံင်း၊ လှံင်ဆဘော တံပ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်းဂဲ ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ အီမာည်း(1)အီးကာည်း တိုအီးဒါခံင်ယိူည်ႇ(1)အီး။
ဘံန်ဟောည်ႇဒေဲႈ ကျံရ်တီမ် ဆငည်း(27) အခိင်(4:30)ဒိူန်မာ် ဖုင်ပလိက်လှံင်ဂဲ ဘိူန်းတိုည်းတိုအီး ဒါခံင်ယိူည်ႇ တာနာည်ထူန်း အဆာက်(54)ဆန်ုမ် ဒီစေတ်ဆေးဂိက် ပလှံင်ဆဘော ။
မိုႈဘိုး ဘံန်ဟောည်ႇဒေဲႈ ကျံရ်တီမ် ဆငည်း(28) အခိင်စူန်အံပ်(4)နြီဒိူန် အခိင်ဖုင်ပလိက်လှံင်ဂဲ ရေဲန်ဇီုင်းကာန်စေတ်ဒိူန် ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ တာတေင်ဝူန်း(55)ဆန်ုမ်၊ ဘိူန်းတိုည်းကဂေါပ်တောပ်အ်ုန် ဖိင်လူည်းဟံပ်အူန်းခေဲင်ကဘဲဝ်အူကဒည်ကဘဲဝ်။
ဆာ်မိုႈ တိုအီးကဇိူရ်ႈကယံင်းခံင်ယိူည်ႇကဲဒီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ဂဲ တိုည်းအူန်း နှာင်းတိူဝ်ႈလာည်းဟာဝ်းအရေး တောပ်လိူည်ဘည်ဥပဒေ တီုက်ယာႈအရေးခံင်ယိူည်ႇ၊ ဆာ်မိုႈတိုအီးဒါကဲဒိူန် နှာင်းတိုန်းဟာဝ်း ဘြဲဆားအကျံင် ပဂါင်ဆပဲဆငါး။
ဘံန်ဟောည်ႇဒေဲႈ ကျံရ်တီမ် ဆငည်း(7)ဒိူန်မာ် ပလှံင်ဆဘော တံပ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်လှံင်ကုင်တအာင်းဂဲ ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ အီမာည်း(1)အီး ဒီစေတ်ဆေးဂိက် ပလှံင်ဆဘော။
#PSLF/TNLA
#တီုင်ပ္လေႈလေႈဆဒါင်
Comment Lists