ဂေါႇဆီုက်ဘြာန်ဇေဝ်ဂဲ ဒါပ္လေဘျုင်ငံရ်က္လိုႇ ပဴင်ခေဲင်လှံင်မာဝ်းႎံင်း လူမ်တီုင်ဌာနမံင်ခ္လံက်ဒိူန် ပဲန်ဟာဝ်းငံရ်က္လိုႇ
02 October 2025
ဂေါႇဆီုက်ဘြာန်ဇေဝ်ဂဲ ဒါပ္လေဘျုင်ငံရ်က္လိုႇ ပဴင်ခေဲင်လှံင်မာဝ်းႎံင်း လူမ်တီုင်ဌာနမံင်ခ္လံက်ဒိူန် ပဲန်ဟာဝ်းငံရ်က္လိုႇ
မာဝ်းႎံင်း၊ ကျံရ်အူကိူရ် ဆငည်း(1)
ဆဒါင်ကုင်တအာင်း
ကုင်တအာင်း၊ အိူင်မာဝ်းႎံင်း၊ ပလှံင်မာဝ်းႎံင်း ကျံရ်တီမ် ဆငည်းအမှိူဝ်(30) အခိင်ဘံန်ဒိူန် ဂေါႇဆီုက်ဘြာန်ဇေဝ်ဂဲ ဒါဒရိုင်း ပဴင်ပ္လေဘျုင်ငံရ်က္လိုႇ ခေဲင်လှံင်မာဝ်းႎံင်း လူမ်တီုင်ဌာနမံင်ခ္လံက်ဒိူန် ပဲန်ဟာဝ်းဒိုႇငံရ်က္လိုႇအောႏ။
ဆီုက်ဘြာန်ဇေဝ်ဂဲနီန် ဆဲႈဒါႇဂဲ ဒါယာင်ပ်ုရ်၊ ပ္လေဒါင်းကာည်း ဒရိုင်း ပဴင်ပ္လေဘျုင်ဘည်ဒီန် ဘည်ကဇေန်နီးမာ် ဂေါႇဂဲဒါ ပ္လေဘျုင်ငံရ်က္လိုႇ ပဴင်လီပ်ခေဲင်လှံင် အီမိုႈ လူမ်ပျံတ်ယံတ်ငံရ်၊ လူမ်တီုင်အိုမ်ဘြည်ကတာည်း၊ လူမ်ပလိက်ကာည်း ခေဲင်လှံင်ဒီမံင်ခ္လံက်ဒိူန် ပဲန်ဟာဝ်းဒိုႇငံရ်က္လိုႇ။
ဆီုက်ဘြာန်ဇေဝ်ဂဲနီန် ဒါရဲင်ဘ္လောမ်ဂီုန်း ထီမ်းတီုက်ဟိုက်ခေဲင်လှံင်မာဝ်းႎံင်း၊ ဆဲႈဒါႇဒီန် ဂဲဒါဘိုး ယာင်ပ်ုရ်၊ ပ္လေဒါင်း၊ ဒရိုင်းကာည်း ပ္လေဘျုင်မိူဝ်ႈကောင် ပ်ုန်ကယေင်ဘည်ဒီန် ကူန်ရဝ်မာဂါင်ဂဲ ဒဝ်းဟာဝ်းဂေါည်ဒိုႇ ဒီလောတ်မိူဝ်ႈကတ်ုမ်။
ဆဲႈဒါႇဒီန် ဆငည်းအမှိူဝ်ဒိူန်မာ် ဆီုက်ဘြာန်ဇေဝ်ဂဲကာည်း တံပ်နာန်းတအာင်း(TNLA) ဆီုပ်ပဲန်ကတီုက်ကပဴင်ဘ္ဘောမ် ပရဝ်ပီန်တီ လှံင်မာဝ်းႎံင်း ကာည်း တပြောရဝ်ဘာန်ကာချောင် လှံင်နောင်ခေဝ် ရောတ်ကဇေန်နီန်းအောႏ။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ ယာင်ပ်ုရ်ကာည်း ဒရိုင်းပဴင်ဆီုက်ဘြာန်ဇေဝ်ဂဲ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists