ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ပရဝ်ပါဆပေ လံက်ကျောင်စဝ်ကာည်း ဂါင်ဂေါည်(20)ဂါင် လူလှဲဝ်ႏ
29 September 2025
ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ပရဝ်ပါဆပေ လံက်ကျောင်စဝ်ကာည်း ဂါင်ဂေါည်(20)ဂါင် လူလှဲဝ်ႏ
မိူင်လိုင်၊ ကျံရ်တီမ် ဆငည်း(29)
ဆဒါင်ကုင်တအာင်း
ကုင်တအာင်း၊ အိူင်မိုဂူႈ၊ လှံင်မိူင်လိုင်၊ ပရဝ်ပါင်ဆပေ ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ထာန်ဇံန်(500)(2)ပိုင်း လံက်ကျောင်စဝ်ကာည်း ဂါင်ဂေါည်(20)ဂါင် လူလှဲဝ်ႏဟာဝ်း။
ကျံရ်တီမ် ဆငည်း(27) အခိင်(4:07)နြီဒိူန် ဆီုက်ဘြာန်ဇေဝ်ဂဲ ဒါနောႈကယေင်တေဲင် ကူန်ရဝ်မာဂါင်ဂဲ ဒါယာင်ပ်ုရ်ပဴင်ပ္လေဘျုင် ပရဝ်ပါင်ဆပေ။
မိုႈဘိုး ဘံန်ဟောည်ဒေဲႈ ကျံရ်တီမ် ဆငည်း(26)ဒိူန် အာဝ်မိူဝ်ႈမပဲန်ကတီုက်ကပဴင်မာ် ဆီုက်ဘြာန်ဇေဝ်ဂဲ ဒါနောႈကယေင်တေဲင်ကူန်ရဝ်မာဂါင်ဂဲ ဒါဒရိုင်းပဲင်ပ္လေဘျုင် ပရဝ်ပါပိုက် လံက်အီမာည်း အဆာက်(61)ဆန်ုမ် ယံမ်း ကာည်း ဂါင်ဂေါည်(1)ဂါင် လူလှဲဝ်ႏဟာဝ်း။
ခေဲင်ကျံရ်တီမ်နီန်း ဆီုက်ဘြာန်ဇေဝ်ဂဲ ဒါယာင်ပ်ုရ်၊ ပ္လေဒါင်းကာည်း ဒရိုင်း ပဴင်ပ္လေဘျုင် ပလှံင်မာဝ်းႎံင်း၊ ဆဘော ကာည်း မိုဂူႈ လံက်အီမာည်း(2)ယံမ်း၊ အီမာည်း(1)အီးကာည်း အီပ်ုန်(4)အီး ကတူဖေးဘာတ်၊ မိုႈဘိုး ဂါင်ဂေါည်(20)ဂါင်၊ ကျောင်ပနောဘေဲ(1)ကျောင်၊ ကျောင်စဝ်(1)ကျောင်၊ ႎှါင်းကျောင်(1) ကျောင်ကာည်း ကား(1)ကြောင်မာ် လူလှဲဝ်ႏဟာဝ်း။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists