ဆီုက်ဘြာန်ဇေဝ်ဂဲ ဒါဒရိုင်း ရောတ်ဒေဲႈပဴင်ပ္လေဘျုင် ပရဝ်ပါပိုက် လံက်အီမာည်း(1)အီး ယံမ်းဟာဝ်း
27 September 2025
ဆီုက်ဘြာန်ဇေဝ်ဂဲ ဒါဒရိုင်း ရောတ်ဒေဲႈပဴင်ပ္လေဘျုင် ပရဝ်ပါပိုက် လံက်အီမာည်း(1)အီး ယံမ်းဟာဝ်း
မာဝ်းႎံင်း၊ ကျံရ်တီမ် ဆငည်း(27)
ဆဒါင်ကုင်တအာင်း
ကုင်တအာင်း၊ အိူင်မာဝ်းႎံင်း၊ ပလှံင်မာဝ်းႎံင်း၊ အာဝ်မိူဝ်ႈပဲန်ကတီုက်ကပဴင်မာ် ဆီုက်ဘြာန်ဇေဝ်ဂဲ ဒါဒရိုင်းရောတ်ဒေဲႈပဴင်ပ္လေဘျုင် လံက်အီမာည်း(1)အီး ယံမ်းဟာဝ်း။
ဘည်မိုႈဘည်ဘာည်းအ်ုန် ကျံရ်တီမ် ဆငည်း(26) အခိင်ခီညှာ(11:28)မိနေတ်ဒိူန် ဆီုက်ဘြာန်ဇေဝ်ဂဲ ဒါနောႈကယေင်တေဲင် ကူန်ရဝ်မာဂါင်ဂဲ ဒါဒရိုင်းရောတ်ဒေဲႈပဴင်ပ္လေဘျုင် ပပါပိုက် လံက်အီမာည်း အဆာက်(61)ဆန်ုမ် ယံမ်းဟာဝ်းပွံတ်ကဆီုဝ်ဒီန် ကာည်း ဂါင်ဂေါည်(1)ဂါင် လူလှဲဝ်ႏ။
မိုႈဘိုး ဘံန်ဟောည်ႇဒေဲႈ ကျံရ်တီမ် ဆငည်း(24)ဒိူန်မာ် ပလှံင်မာဝ်းႎံင်း၊ ခမိုမဲင်တီန်၊ ရဝ်ပီန်တီ ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ထာန်ဇံန်(250)(2)ပိုင်း လံက်ႎှါင်းကျောင် ကာည်း ဒီဆုင်ဆောမ်စဝ်ကဲ လူလှဲဝ်ႏ။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists