ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုးပ္လေဘျုင် ပရဝ်ပီန်တီ
24 September 2025
ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုးပ္လေဘျုင် ပရဝ်ပီန်တီ
မာဝ်းႎံင်း၊ ကျံရ်တီမ် ဆငည်း(24)
ဆဒါင်ကုင်တအာင်း
ကုင်တအာင်း၊ အိူင်မာဝ်းႎံင်း၊ လှံင်မာဝ်းႎံင်း၊ ခမိုမဲင်တီန်း၊ ပရဝ်ပီန်တီ ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုးပ္လေဘျုင် ထာန်ဇံန်(250)(2)ပိုင်း။
ကျံရ်တီမ် ဆငည်း(24) အခိင်ရဆံန်(1:08)မိနေတ်ဒိူန် အာဝ်မိူဝ်ႈပဲန်ကတီုက်ကပဲင်မာ် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် တေဲင်ကျောင်စဝ် ပရဝ်ပီန်တီး၊ ဂေါႇပ္လေဘျုင်ပဴင် ဆီုက်ဘြာန်ဇေဝ်ဂဲဘည်ဒီန် လံက်လူလှဲဝ်ႏဟာဝ်း ကျောင်စဝ်ကာည်း ႎှါင်းဒီဆုင်ဆောမ်။
ခေဲင်ကျံရ်တီမ် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ်၊ ပ္လေဒါင်းကာည်း ဒရိုင်း ပဴင်ပ္လေဘျုင် ပလှံင်မာဝ်းႎံင်း(6)လိူဝ်ႈ၊ ပလှံင်ဆဘော(1)လိူဝ်ႈ ကာည်း ပလှံင်မိုဂူႈ(2)လိူဝ်ႈ ကစုကပိုမ် ဂဲရောတ်ဒေဲႈ ပဴင်ပ္လေဘျုင်(21)ပိုင်း။
ဂေါႇပ္လေဘျုင်ပဴင်ဆီုက်ဘြာန်ဇေဝ်ဂဲ အီမာည်း (1)အီးယံမ်း၊ အီမာည်း(1)အီး၊ အီပ်ုန်(4)အီး ကတူႈဖေးဘာဝ်၊ မိုႈဘိုး လံက်ဟာဝ်းဘိုး ဂါင်ဂေါည်(19)ဂါင်၊ ကျောင်ပနောဘေဲႇ(1)ကျောင်၊ ကျောင်စဝ်(1)ကျောင်ကာည်း ကား(1)ကြောင် လူလှဲဝ်ႏ။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists