ပလှံင်မိုဂူႈ ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် လံက် ကောန်အီပ်ုန် (1)အီး ကတူႈဘာတ် ဂါင်(5)ဂါင် လူလှဲဝ်ႏ
16 September 2025
ပလှံင်မိုဂူႈ ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် လံက် ကောန်အီပ်ုန် (1)အီး ကတူႈဘာတ် ဂါင်(5)ဂါင် လူလှဲဝ်ႏ
မိုဂူႈ ၊ ကျံရ်တီမ် ဆငည်း(16)
ဆဒါင်ကုင်တအာင်း
ကုင်တအာင်း၊ ပလှံင်မိုဂူႈ ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ထာန်ဇံန် (250) (2)ပိုင်း လံက် ကောန်အီပ်ုန် (1)အီး ကတူႈဘာတ် ဂါင်(5)ဂါင်လူလှဲဝ်။
ကျံရ်တာရ် ဆငည်း(16) အခိင် ခီညှာ(7)နြီဒိူန် ပလှံင်မိုဂူႈ၊ ပဇံင်အိုင်ကိုင် ဘည်အာဝ်မိူဝ်ႈကတီုက်ကပဴင်ဘည်ဒီန်မာ် ဆီုက်ဘြာန်ဇေဝ်ဂဲ ဒါယာင်ပ်ုရ် ကယေင်ပဴင်တေဲင်ဒီဂေါည်ကူန်ရဝ်မာဂါင်ဂဲတောန်ဆငည်း ဆိက်ပ္လေဘျုင် လံက်ဟာဝ်း ကောန်အီပ်ုန်(1)အီး ကတူႈဘာတ် ၊ ဂါင်(5)ဂါင် ကာည်း ကား(1)ကြောင် လူလှဲဝ်ႏဟာဝ်း။
ဘံန်ဟောည်ႇဒေဲႈ ကျံရ်တီမ် ဆငည်း(9)ဒိူန် ပလှံင်မာဝ်းဓံင်း၊ ခမိုနံမ်ဟူးတောင်း၊ ပရဝ်လောည်ခေါ် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုးပ္လေဘျုင် ထာန်ဇံန်(250)(3)ပိုင်း ကာည်း ဒရိုင်းပဴင်ပ္လေဘျုင်(2)ပိုင်း လံက်ဟာဝ်းငှေါနားကူန်ရဝ်မာဂါင်ဂဲ လူလှဲဝ်ႏ။
ခေဲင်ကျံရ်တီမ် အာရ်နှားနီန် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ပ္လေဘျုင် ပလှံင်မာဝ်းႎံင်း (3)လိူဝ်ႈ၊ ပလှံင်ဆဘော(1)လိူဝ်ႈ၊ ဂေါႇပ္လေဘျုင်ဆီုက်ဘြာန်ဂဲဘည်ဒီန် လံက်ဟာဝ်း အီပ်ုန်(1)အီး ကာည်း အီမာည်း(1)အီး ကတူႈဖေးဘာတ်၊ မိုႈဘိုး ဂါင်ဂေါည်(12)ဂါင်ကာည်း ကျောင်ပနောဘေဲႇ(1)ကျောင်လူလှဲဝ်ႏ။
ကနာည်နံင်လောတ်ဖေးယာင်ပ်ုရ် ဒရိုန်း၊ ပ္လေဒါင်းဆီုက်ဘြာန်ဇေဝ်ဂဲ လိုတောပ်ခေါပ်ပြာႇ ပ်ုန်ရိူရ်ႈနဲလေႈအယ် ဘည်ရဒေင်ဒံန်ခြဲ ကနာည်ဒဝ်းလောတ် ယာင်ပ်ုရ်ဆီုက်ဘြာန်ဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists