ဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲႈပဴင်ပ္လေဘျုင် ထာန်ဇံန်(250) (2)ပိုင်း ပလှံင်မိုးဂူ
03 May 2025
ဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲႈပဴင်ပ္လေဘျုင် ထာန်ဇံန်(250) (2)ပိုင်း ပလှံင်မိုးဂူႈ
မိုးဂူႈ၊ ကျံရ်ဖံန်၊ ဆငည်း(2)
ဆဒါင်ကုင်တအာင်း
ဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲႈပဴင်ပ္လေဘျုင် ထာန်ဇံန်(250) (2)ပိုင်း ပလှံင်မိုးဂူႈ၊ အိူင်မိုးဂူ၊ ခေဲင်ကုင်တအာင်း။
ကျံရ်ဖံန် ဆငည်း(30) အခိင်ရမှိူဝ်(8:30)ဒိူန် အာဝ်မိူဝ်မ ပဲန်ကတီုက်ကပဲင်မာ် ဆီုက်ဘြာန်ဇေဝ်ဂဲ ရောတ်ဒေဲႈပဴင် ပ္လေဘျုင် ကဒါႇလံပ်က်ြုမ်(အနောက်ပိုင်း)၊ တီတ်ဆေက်ကိုင်း(သစ်စိမ့်ကုန်း) ကာည်း ခနားရဝ်စောက်ပိုက်(ကျောက်ပုတ်) ပလှံင်မိုဂူႈ။
ဘံန်ဟောည်ဒေဲႈ ကျံရ်ဖိုန် ဆငည်း(24)ဒိူန်မာ် ဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲႈပဴင် ပ္လေဘျုင်မိူဝ်ႈကော်င် (11)ပိုင်း ကာည်း ပ္လေဒါင်းထာန်ဇံန် (120MM) (26)ပိုင်း ပလှံင်နောင်ချှို။
ဆီုက်ဘြာန်ဇေဝ်ဂဲနီန်း ဖဘိုးရဲင်ဘ္လောမ်ဆီုက်ဂဲ၊ ထီမ်းဟိုက်ဒီဘြောင်ချှာင် ကုင်လှံင် တံပ်အွံရ်ပ်ုန်လောတ်ကပီုန်တအာင်း PSLF/TNLA၊ ဆဲႈဒါႇဒီန် ဒီမိူဝ်ႈပဲန်ကတီုက်ကပဴင်ဂဲဒိူန်မာ် ဂဲပ်ုန်ကယေင်တေဲင် ကူန်ရဝ်မာဂါင်ဂဲ လှည်ဒေပဴင်ပ္လေဘျုင်ဘည်နီန်။
ဂေါႇဘည်ဒီန် ဘည်ကဆီုဝ်ကူန်ရဝ်မာဂါင်အယ်ဂဲ ကနာည်နံင်ဒဝ်လောတ်ဖေး ဘိူန်ဒါႇ ဆီုက်ဘြာန်ဇေဝ်ဂဲ ပဴင်ပ္လေဘျုင်နီန်း အယ်လိုအူန်းမိူဝ်ႈဆဒိ လံပ်ဆီုက်နာန်းနီန်း၊ အယ်လိုဘ်ုပ်ရေဲန်ဟာဝ်းတောပ် ရဒေင်ဘည်လိုဒံန်ခြဲ ယာန်ပ်ုရ်နီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists