ကုင်တအာင်း၊ ခေဲင်ကျံရ်(4)နီန်၊ ပလိက်ကုင်တအာင်းဂဲ ဘိူန်းတိုည်းတိုအီးဒါခံင်ယိူည်ႇ ကာည်း တိုအီးကဇိူရ်ႈကယံင်း(13)အီး၊(65)အီးတိုအီးဒါခံင်ယိူည်ႇ
03 May 2025
ကုင်တအာင်း၊ ခေဲင်ကျံရ်(4)နီန်၊ ပလိက်ကုင်တအာင်းဂဲ ဘိူန်းတိုည်းတိုအီးဒါခံင်ယိူည်ႇ ကာည်း တိုအီးကဇိူရ်ႈကယံင်း(13)အီး၊(65)အီးတိုအီးဒါခံင်ယိူည်ႇ
ကုင်တအာင်း၊ ကျံရ်(5)၊ ဆငည်း(1)
တံပ်အွံရ်ပ်ုန်လောတ်ကပီုန်တအာင်းPSLF/TNLA ဒီဘိူန်းဘြောင်ချှာင် လှံင်(6)လှံင်ဒီန် မာဝ်းႎံင်း၊ နောင်ချှို၊ ကိုက်ခည်း၊ ရူကော၊ အိုမ်ငျံရ် ကာည်း ဆဘော ပလိက်ကုင်တအာင်းဂဲ ဘိူန်းတိုည်းတိုအီးဒါခံင်ယိူည်ႇ ကာည်း တိုအီးကဇိူရ်ႈကယံင်း(13)အီး၊ (65)အီးတိုအီးဒါခံင်ယိူည်ႇအောႏ။
ခေဲင်လှံင်မာဝ်းႎံင်းမာ် ဖုင်ပလိက်ကုင်တအာင်းဂဲ ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ ကောန်အီပ်ုန်(1)အီး၊ ကောန်အီမာည်း(3)အီး တောပ်ခံင်ယိူည်ႇလူည်(36)ကဘဲဝ်၊ ခံင်ယိူည်ႇလူည် ဟံပ်ခေဲင်ကဘဲဝ် ထာန်ဇာရ်အူကနေႈ (7)ကဘဲဝ်၊ စာက်ပ်ုန်ဒါ ကာည်း ႎှုင်(9)ပိုင်း ရိူန်း(92)ဆဲန်ထာန်နီးအောႏ။
ဆဲႈဒီန် ပလှံင်နောင်ချှိုမာ် ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ ကဂေါပ်တောပ် ကအာင်းဆနံမ်း၊ ခံင်ယိူည်ႇလူည် ဟံပ်ခေဲင် M-150 (1)ကဘဲဝ် ကာည်း ကဘဲဝ်ဒဲႇ(1)ကဘဲဝ် ကစုကပိုမ်ရိူန်း (5)ဆဲန်အောႏ။
မိုႈဘို ပလှံင်ကိုက်ခည်းမာ် ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ (4)အီး ကာည်း တိုအီးဒါ ခံင်ယိူည်ႇ (4)အီး တောပ်ဘို ခံင်ယိူည်ႇခေဲင်ကဘဲဝ်ဆပ်ပြာ(2)ကဘဲဝ်၊ ထာန်ဇံန်ခံင်ယိူည်ႇဂေါည်(25)ဂရမ်၊ ကအာင်းဆနံမ်ပ်ုန်နောႈဖိူမ် ကအာင်း(3000)ကအာင်း၊ ႎှုင်(1)ပိုင်း တောပ်ဘိုထဲင် စာက်ပ်ုန်ဒါတောပ်ခံင်ယိူည်ႇဒီန်အောႏ။
ခေဲင်လှံင်ရူကောမာ် ဘိူန်းတိုည်းဘို တိုအီးကဇိူရ်ႈကယံင်း(1) ကာည်း တိုအီးဒါ(50)အီးအောႏ။
ဘံန်ဟောည်ႇ၊ ကျံရ်(4)၊ ဆငည်း(1) ရောတ် ဆငည်း(22) ပလှံင်အိုမ်ငျံရ် ဖုင်ပလိက်ကုင်တအာင်း ကာည်း တာဘြောင်ဇံင် ကပိုမ်ဒေစေတ်မေန်း ခေဲင်လှံင် ၊ ဇံင် ၊ ရဝ် ဘိူန်းတိုည်းတိုအီး ကဇိူရ်ႈကယံင်းခံင်ယိူည်ႇ(3)အီး ကာည်း တိုအီးဒါ(9)အီးအောႏ။
မိုႈဘို ပဆဘောမာ် ဘံန်ဟောည်ႇဒေဲႈ ကျံရ်(4)၊ ဆငည်း(13) ရောတ် ဆငည်း(18) ဘိူန်းတိုည်းတိုအီးဒါ(2)အီး။ ဆာ်မိုႈ တိုအီးကဇိူရ်ႈကယံင်း ကာည်း တိုအီးဒါဂဲဒီန် ဖုင်ပလိက်ကုင်တအာင်း နံင်တိုန်းဟာဝ်းပဆခါန်းဘြဲဆာအကျံင် အီမိူဝ်ႈတာမ်ဒါင်းဒိူန် နံင်တောပ်ဟာဝ်းဘည်ဥပဒေတီုက်ယာႈအရေးခံင်ယိူည်ႇဒီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists