ပလှံင်မူစယ် ကောန်အီမာည်းအီအူ ဂေါႇအ်ုန်ဒါဂီုန်းခံင်ယိူည်ႇ ပဲန်အမူလာည်ကငေါႈယံမ်း
03 May 2025
ပလှံင်မူစယ် ကောန်အီမာည်းအီအူ ဂေါႇအ်ုန်ဒါဂီုန်းခံင်ယိူည်ႇ ပဲန်အမူလာည်ကငေါႈယံမ်း
မူစယ်၊ ကျံရ်(5)၊ ဆငည်း(1)၊
ဆဒါင်ကုင်တအာင်း
ကုင်တအာင်း၊ အိူင်အေဲမ်ခြီရ်၊ လှံင်မူစယ်၊ ခေဲင်ရဝ်နမ့်အွမ် ကောန်အီမာည်းအီအူ ဂေါႇအ်ုန်ဒါဂီုန်းခံင်ယိူည်ႇ ပဲန်အမူလာည်ကငေါႈယံမ်းအောႏ။
ဘည်မိုႈဘာည်းဘည်အ်ုန် ဘံန်ဟောည်ႇဒေဲႈ ကျံရ်(4)၊ ဆငည်း(23) အခိင်(2:00)နြီ တာစော်မျိုးအံင် ဘိူန်းဒေအဆာက်(31)ဆန်ုမ် ဂေါႇအ်ုန်ဒါဂီုန်းခံင်ယိူည်ႇ အခိင် ႎည် ကာည်း အျိုက် ပဲန်ကြောႈဂီုန်း အ်ုန်စိလီပ်ကကာႈ ပ်ုန်အာဝ်ဘိူန်းကကာႈဒေ ဒါဘိုတ်ကိုႈပွံတ် အျိုက်ဂဲဒီန်။
အျိုက်ဂဲ ဘိူန်းကတူႈဘာတ် ပကိင်ကေရ် ဆာ်မိုႈ ႎည်အ်ုန် စိဟာဝ်းတိုန်းဆဒါင် တဖုင်ပလိက်ကုင်တအာင်းဂဲအောႏ။
ကောန်အီမာည်း အီလူည်ႇအမူဒီန် တံပ်အွံရ်ပ်ုန်လောတ်ကပီုန်တအာင်းPSLF/TNLA ဖုင်ပလိက်ကုင်တအာင်း စိဟာဝ်းရံပ်တိုည်းအူန်း တောပ်ဟာဝ်းလိူည်ဘည်ဥပဒေအောႏ။
ဘံန်ဟောည်ႇဒေဲႈ ကျံရ်(4)၊ ဆငည်း(11) ပလှံင်ဆဘော၊ ရဝ်တုံစင့် ကောန်အီမာည်းအူအီး ဂေါႇအ်ုန်ဒါဂီုန်းခံင်ယိူည်ႇ ပ်ုန်ဘိုအမူလာည်ကငေါႈယံမ်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists