ပလှံင်မှိူမ်မီုတ် ကာည်း လှံင်အေဲမ်ငူည် ပဲန်ငံရ်က္လိုႇ ကတူႈချူမ်ဟာဝ်း ရိူန်း(300)ဆဲန်လေႈ
30 April 2025
ပလှံင်မှိူမ်မီုတ် ကာည်း လှံင်အေဲမ်ငူည် ပဲန်ငံရ်က္လိုႇ ကတူႈချူမ်ဟာဝ်း ရိူန်း(300)ဆဲန်လေႈ
ဆဒါင်ကုင်တအာင်း၊ ကျံရ်(4)၊ ဆငည်း(29)
ကုင်တအာင်း၊ ပလှံင်မှိူမ်မီုတ် ကာည်း ခေဲင်လှံင်အေဲမ်ငူည် ပဲန်ငံရ်က္လိုႇ ဂါင်(3)ဂါင် ကစုကပိုမ်ချူမ်ဟာဝ်း ရိူန်း(300)ဆဲန်လေႈထာန်နီန်းအောႏ။
အိူင်အေဲမ်ခြီရ်၊ လှံင်အေဲမ်ငူည်၊ ရဝ်မာန်ပူး၊ ဘံန်ဟောည်ႇဒေဲႈ ကျံရ်(4)၊ ဆငည်း(26) အခိင်ရမှိူဝ်(7:30)နြီ ပဲန်ငံရ်က္လိုႇ ဂါင် တာယည်ဝေါင်း ဂေါႇအ်ုန်ပူတ်ငံရ်ခေဲင်ဂါင် အခိင်အ်ုန်လေႈရရိူဝ့် ငံရ်စီဇူႈပဲန်ကဆူမ်းဟာဝ်းအောႏ။
ဂေါႇအ်ုန်ကဆူမ်းဘည်ဒီန် တောပ်ဘိုးကဆူမ်းဟာဝ်းဘို ဂါင် တာညီညီ ခေဲင်ငံရ်က္လိုႇဒီန် ဂြိုခြီုင်ပဲန်ချူမ်ဟာဝ်းခေဲင်ဂါင် ကစုကပိုမ်ရိူန်း (100)ဆဲန်အောႏ။
ဆဲႈဒီန် ပလှံင်မိုဂူႈ၊ လှံင်မှိူမ်မီုတ်၊ ဇံင်လာတ်ခုတ် ဘံန်ဟောည်ႇဒေဲႈ ကျံရ်(4)၊ ဆငည်(26) အခိင်ရမှိူဝ်(4:20)နြီ ဂေါႇဘက်ထရီတာက် ပဲန်ဟာဝ်းငံရ်က္လိုႇ ပဂါင် တားဆဲင်ရိန်အောႏ။
ခေဲင်ဂါင်ပဲန်က္လိုႇဒီန် ချူမ်ဟာဝ်းဂြိုခြီုင် ကစုကပိုမ်ဂေါည် ရိူန်း(200)ဆဲန်ထာန်နီန်အောႏ။
ဘံန်ဟောည်ႇဒေဲႈ ကျံရ်(4)၊ ဆငည်း(25)၊ ပလှံင်မာဝ်းႎံင်း၊ ရဝ်တံခွန် ပဲန်ငံရ်က္လိုႇ ပဂါင် တာလောစန်း အခိင်ပဲန်ငံရ်က္လိုႇ တံပ်အွံရ်ပ်ုန်လောတ်ကပီုန်တအာင်းPSLF/TNLA ဟာဝ်းကဇောည်ပျံတ်ငံရ်ဒီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists