ဖုင်ဘေဲႇလူမ်တအာင်းTLAဂဲ ရေဲန်ဟာဝ်းပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇလူမ်တအာင်း ပလှံင်ကုင်ငှေါ ခေဲင်ရဝ်(2)ရဝ်
ကုင်တအာင်း၊ ကျံရ်(၃)၊ ဆငည်း(၂၇)၊ ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ ဖုင်ဘေဲႇလူမ်တအာင်းTLAဂဲ ရေဲန်ဟာဝ်းပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇလူမ်တအာင်း ပလှံင်ကုင်ငှေါ ခေဲင်ရဝ်(2)ရဝ်အောႏ။
ဘံန်ဟောည်ႇဒေဲႈ ကျံရ်(3)၊ ဆငည်း(21)ဒိူန် ရေဲန်ပ္လေါည်ႎိူဝ်ႈႎါင်ပနော ပရဝ်ကွမ်ဆလာန် မိုႈဘို ဆငည်း(22)ဒိူန်မာ် ရဝ်ပိန်းကုင်တာ် ဖုင်ဘေဲႇလူမ်တအာင်းဂဲ ရေဲန်ပ္လေါည်ပ္လိုတ်ႎါင်ပနော ဘေဲႇလူမ်တအာင်းအောႏ။
ကောန်ႎါင်ပနောဟိုက်ရောတ် ကောန်အီမာည်းဂေါည်(60)အီး၊ ကောန်အီပ်ုန်(71) အီး ဟိုက်ႎါင်ပနောဘေဲႇလူမ်တအာင်းနီန်အောႏ။ ဆာ်မိုႈကောန်ႎါင်ပနောအီအံင်ဂဲဒေ စိအံပ်ဒဲႈပ္လါႇဘေဲႇအံင်တကဲအောႏ။
ပ်ုန်ကယေင်ႎိူဝ်ႈႎါင်ပနော ဘေဲႇလူမ်တအာင်းနီန် နံင်အိုမ်ကြောႈတအာင်းကတာႈဇာရ်တောန်ဒီန်၊ ကနာည်ခြိူဝ်းမျိုတအာင်း ကြောႈတအာင်းနံင်က်ုရ်နှေရ်၊ တီုင်ဒါင်းဇီုင်းပိင်ငျာခြိူဝ်းတအာင်းဂဲ ဘိူန်းဒေပနောဒဲႈတကောန်ကျောင်၊ နံင်ကြောႈကူန်မာတာယာအယ်အာဝ်ကမာ်ႈ၊ ဖုင်တောန်ဌာန တောန်လူမ် နံင်ဘိူန်းဒါဟာဝ်းကြောႈလူမ် ဘေဲႇလူမ်၊ နံင်ဘိူန်းထုတ်လေႈပံက်မဂ္ဂ ကာည်း နံင်တာဆြာ/ယာဆြာဂဲ ဆမား ပနောဒဲႈတကောန်ကျောင်ဂဲ စိပဲန်ႎိူဝ်ႈႎါင်ပနောနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists