ဒဲႈဆု လှိူပ်ဂုင်တဂဲအီကောႇထာမ်ဇီုင်းတီုက်ႎှီူန်းကနာည်းခြိူဝ်း အ်ုန်အီမိုႈ အီထာမ်းဟောည်ႇဇီုင်းတ PNF ကာည် PSLO
14 March 2025
ဒဲႈဆု လှိူပ်ဂုင်တဂဲအီကောႇထာမ်ဇီုင်းတီုက်ႎှီူန်းကနာည်းခြိူဝ်း အ်ုန်အီမိုႈ အီထာမ်းဟောည်ႇဇီုင်းတ PNF ကာည် PSLO
တံပ်အွရ်ပ်ုန်လောတ်ကပီုန်းတအာင်း PSLF/TNLA တာမ်တားတီုင်အွံရ်အူ တာမ်ခူန်ချုဒါင်း တားဇိုက်ဇာရ် ဆာ်အွံရ်ရေဲန်ဟာဝ်း ပ္လေါည်ဒဲႈဆု လှိူပ်ဂုင်တဂဲ အီထာမ်းဟောည်ႇဇီုင်းတီုက်ႎှီူန်းကနာည်းခြိူဝ်း ယာမ်မိုႈပါန် PNF ကာည်း PSLO/PSLA ဂဲနီး။
ပ္လေါည်ဒဲႈဆု လှိူပ်ဂုင်နီန်း ရေဲန်ဟာဝ်းဆငည်း 11 ကျံရ်အိုည်း ပကုင်တအာင်း လှံင်အေဲမ်ခြီရ်၊ ခေဲင်အီထာမ်ဇီုင်းကာန်ပြီမ်းဂဲဒီန်း အ်ုန်တောပ်လိုည်နာန်း 2 အီး ခေဲင်ဒီန်း လိုည်းနာန်းခြိူဝ်းမျိုးဆျှမ်းအူအီးမာ် ဘိူန်းဟာဝ်းဆုလှိူပ်ဂုင်နီန်း
ဂဲအီဘိူန်းရာပ်ဆုဂဲဒီန်း ဆီုင်ခည်မိုႈ ဆန်ုမ် 1962 မော်ကံပ်ရောက် 1976 ဂဲထာမ်းဇီုင်းကနာည်းခြိူဝ်း တောႇPNF ကာည်း PSLO ဟောည်မိုႈဒိုည်ႇအီဘိူန်းအဆာက် ခနား 75 ကာည် 80 ထာန်နီယာ်ႇ
ခ္လဒိူဝ်ႇ ဂေါႇမိုႈခေါခါႇအာဝ်ပဲန် ကဲအာဝ်ဘယ်ဟိုက်ရောတ်ဒေဲႈမာ် ႎါႎည်ခြိူဝ်မျိုးဂဲ ဟိုက်ရံပ်လာည်းဒဲႈကနာည်းဂဲ ဟောည်ႇဒီန်း တာမ်ခူန်ချုဒါင်း တားဇိုက်ဇာရ်မာ် ဟိုက်က္လာင်ကြောႈ တေဲႈကနှေဲႈလှိူပ်ဂုင် ဂဲအီထာမ်းဟောည်ႇဇီုင်းကနာည်းခြိူဝ်းနီး အယ်မာ် နှလှူႈ နှလှောႈဆေဆေ အာဝ်ဘီရ်အာဝ်ပျောႈ တေဲႈကနှေဲႈအူန်ဆေဆေယာ့်
ဆန်ုမ် 1958 ဇူႈရေဲန်ဇီုင်းတီုက်ႎှီူန်း ခေဲင်ကပီုန်းဆျှမ်းနီန်း ခြိူဝ်းမျိုးအယ်တအာင်းမာ် ဟောည်ႇတောႇ ကရူမ်ကရောမ်ရေဲန်ဟာဝ်ယာ့်၊ ကနာည်း ကညားအာဏာဇေဝ်ဂဲနံင်ရာ်ႇကမာ်ႈဟာဝ်း PNF/PSLO/PSLA မောကံပ်ရောတ်ကာပ် တံပ်အွံရ်ပ်ုန်လောတ်ကပီုန်းတအာင်း PSLF/TNLA အွံရ်ရေဲန်ဟာဝ်းဇီုင်းတီုက်ႎှီူန်းနီန်း ဆငည်းအဒိူဝ်း ဟောည်ႇဘိူန်းဒေဲႈ (60) ဆန်ုမ်လေႈယာ့်၊
ဇူႈဆန်ုမ် 2014 ကျံရ် 10 ဆငည်း 27 တံပ်အွံရ်ပ်ုန်လောတ်ကပီုန်းတအာင်း PSLF/TNLA ကာည် ဘံဝ်ကီုက်ဒါင်းအယ်ဂဲ ကစုကပိုမ်း ဘယ်ႎှိူဝ်ႈဟာဝ် တီုက်နာန်း 1027 နီန်း အယ်ႎီရ်ဘိူန်းအိုမ်ဘြည်ကတာည်းအယ် (12)လှံင်ယာ့်၊ အိုမ်ဘြည်းကတာည်း ပ်ုန်ဟောည်ႇဘိူန်းႎီရ်အယ်နီး ကနာည်းနံင်ဒံန်ခြဲဟာဝ်း မည်ဒဲႈဘဝ်ရာ်န်ကညားအာဏာဇေဝ်ဂဲ ဘိူန်းႎီရ်ထီပ်ညဲ့ဘိုအယ် ကူန်ရဝ်မာဂါင်ကာည်း တံပ်နာန်း အယ်လိုကရူမ်ကရောမ် ရေဲန်ဟာဝ်ဇီုင်းအ်ုန်Ó တာမ်ခူန်ချုဒါင်း တားဇိုက်ဇာရ် တံမ်းအူန်းဘာည်နီးအောႏ
#PSLF/TNLA
#တီုင်ပ္လေႈလေႈဆဒါင်
Comment Lists