လံပ်တီုက်နာန်း 1027 ဒေါန်(2) ခေဲင်(35)ဆငည်းနီန် ပလှံင်နောင်ချေဲဝ်၊ လှံင်မာဝ်းဝံင်၊ လှံင်မိူင်မီတ် ဆီုပ်ပဴန်ကတီုက်ကပဴင် ဘိူန်ဒေဆီမ်းဟာဝ်း ပ္လေလာက်နာက်တောန်မျို
31 July 2024
လံပ်တီုက်နာန်း 1027 ဒေါန်(2) ခေဲင်(35)ဆငည်းနီန် ပလှံင်နောင်ချေဲဝ်၊ လှံင်မာဝ်းဝံင်၊ လှံင်မိူင်မီတ် ဆီုပ်ပဴန်ကတီုက်ကပဴင် ဘိူန်ဒေဆီမ်းဟာဝ်း ပ္လေလာက်နာက်တောန်မျို
ကုင်တအာင်း ၊ ကျံရ်(7) ဆငည်း (31)
ကုင်တအာင်း ၊ အိူင်အိုမ်တမာဝ်း၊ ပလှံင်မိူင်မီတ် တီုင်တံပ်ဆီုက်ဘြာန် ခမရ(348) ဂဲ ကာည်း တံပ်နာန်းတအာင်း TNLA ပဴန်ကတီုက်ကပဴင် ။ ခေဲင်ပဴန်ကတီုက်ကပဴင်ဒီန် တံပ်နာန်းတအာင်းTNLA ဂဲ ဘိူန်းဒေဆီမ်းဟာဝ်း (အဝေးကီင်) တံပ်ဆခါန်း ဆီုက်ဘြာန်ဂဲ အူလှေအောႏ။
မိူင်မီတ်ဗျူဟာကိုင်ဒီန် အခိင်စူန်အံပ် (5:30)မနေဲတ်ဒိူန်း အခိင် တံပ်နာန်းတအာင်းTNLAဂဲ ဆီုပ်ရေဲန်လံပ်တီုက်နာန်း ဆီုက်ဘြာန် အီဂေါည်ဌာနချု စကခ(21) ၊ ခလရ(348)ဂဲ ပဲန်ဟာဝ်းကတီုက်ကပဴင်တောပ် တံပ်နာန်းတအာင်းအောႏ။
အိူင်အိုမ်ယ်ုရ်၊ ပလှံင်မာဝ်းဝံင်း၊ အခိင် ကဒည်ဆငည်း(11)နြီ ရောတ် (12:00)နြီဒိူန်း ဆီုက်ဘြာန် ခမရ(502) ဂဲ ဒါႇပ္လေဒါင်း ဟောင်ဝေဆာ လီလာပဴင်ဟာဝ်း ကဒါႇကျောင်စဝ်မာန်အော်မ် (30)ပိုင်းအောႏ။
ဆဲႈဒီန် ဆငည်းဒိူန်း အခိင်စူန်အံပ် (5:30)မနေဲတ် ဆီုက်ဘြာန် စကခ(1) ခြူမ်တီုင်တံပ် ခမရ(501 ၊502)ဂဲ အီဂေါည် ဂေါင်လောည်ခူန် ကာည်း တံပ်နာန်းတအာင်း TNLA အီဂေါည် တံပ်ဆခါန်တပြောရံင်းငံရ် ပဲန်ဟာဝ်းကတီုက်ကပဴင်အောႏ။ တံပ်နာန်းတအာင်းဂဲ ဘိူန်းဒေဆီမ်းဟာဝ်း တံပ်ဆခါန်းဆီုက်ဘြာန် အီကီုတ်အူန်း ကာည်း ဆနာတ်(11)လဝ်းအောႏ။
အိူင်အိုမ်ယ်ုရ်၊ ပလှံင်နောင်ချေဲဝ်၊ ဆီုက်ဘြာန် အီဂေါည်ကျောင်စဝ်ယေဖျူဂဲ ထီမ်းဟာဝ်းဒီဂေါည် တံပ်နာန်းတအာင်းTNLA စီပဲန်ဟာဝ်းကတီုက်ကပဴင်အောႏ။ တံပ်နာန်းတအာင်းTNLAဂဲ ဟောည်ႇဘိူန်းဒေ ဆီမ်းဟာဝ်း လှံင်နောင်ချေဲဝ်ကတီးကရီးအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ကတီုက်ကပဴင်
#ဆဒါင်ပ်ုန်ဘိူန်းဆီမ်းဂြိုခြီုင်လာက်နာက်
Comment Lists