ပန်ယုတ်ကျေးရွာအောက်တွင် ကုန်တင်ယာဥ်တစ်စီးတိမ်းမှောက်ရာမှ အမျိုးသားတစ်ဦး သေဆုံး
13 November 2025
ပန်ယုတ်ကျေးရွာအောက်တွင် ကုန်တင်ယာဥ်တစ်စီးတိမ်းမှောက်ရာမှ အမျိုးသားတစ်ဦး သေဆုံး
မိုင်းဝီး၊ နိုဝင်ဘာ ၁၃ရက်
တအာင်းပြည်သတင်း
တအာင်းပြည်၊ နမ့်ခမ်းခရိုင်၊ မိုင်းဝီးမြို့နယ်၊ ပန်ယုတ်ကျေးရွာအောက်ရှိလမ်းမကြီးတွင် ကုန်တင်ယာဥ်တစ်စီးတိမ်းမှောက်ရာမှ အမျိုးသားတစ်ဦး ပွဲချင်းသေဆုံးခဲ့သည်။
ဖြစ်စဥ်တွင် ပြီးခဲ့သည့် နိုဝင်ဘာ (၉)ရက်နေ့ ည (၁၁း၃၀)နာရီအချိန်တွင် နမ့်ခမ်းမှ မိုင်းဝီးသို့ သွားသည့်ယာဥ်တစ်စီးသည် ကုန်းအဆင်းရောက်နေချိန် ဘရိတ်မမိသောကြောင့် တိမ်းမှောက်သွားခဲ့သည်။
ထိုယာဥ်တိမ်းမှောက်မှုကြောင့် ယာဥ်မောင်းသူ အသက် (၄၄)နှစ်အရွယ် ဦးဆော်နိုင်ဆိုသူ၏ ပွဲချင်းသေဆုံးခဲ့သည်။ ၎င်းယာဥ်သည် ဆန် (၅၅)အိတ်၊ ဘီယာ (၂၆)ဖာ၊ ဓာတ်ဆီနှင့် ကုန်စုံအမျိုးမျိုး တင်ဆောင်ထားပါသည်။
အဆိုပါအခင်းဖြစ်ပွားသည့်နေရာကို ပလောင်ပြည်နယ်လွတ်မြောက်ရေးတပ်ဦး PSLF/TNLA တာဝန်ရှိသူမှ သွားရောက်စစ်ဆေးခဲ့ပါသည်။
ပြီးခဲ့သည့် နိုင်ဝင်ဘာ (၆)ရက်နေ့လည်း ကွက်ခိုင်မြို့တွင် ဆိုင်ကယ် (၂)စီး ယာဥ်တိုက်မှုဖြစ်ပွားရာမှ အမျိုးသား (၂)ဦးပြင်းထန်စွာ ဒဏ်ရာရရှိခဲ့ပါသည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ