13 September 2025

ကောင်းတပ်ကျေးရွာတွင် ဝါယာကြိုးရှော့ဖြစ်ရာမှ နေအိမ်တစ်လုံး မီးလောင်မှုဖြစ်ပွား

နမ့်ခမ်း၊ စက်တင်ဘာလ ၁၃ရက်

တအာင်းပြည်သတင်း

တအာင်းပြည် တပ်မဟာ (၆)နယ်မြေ၊ နမ့်ခမ်းမြို့နယ်၊ ကောင်းတပ်ကျေးရွာတွင် ဝါယာကြိုးရှော့ဖြစ်ရာမှ နေအိမ်တစ်လုံး မီးလောင်မှုဖြစ်ပွားခဲ့သည်။

ဖြစ်စဥ်တွင် ယမန်နေ့ စက်တင်ဘာလ (၁၂)ရက် နံနက် (၁၁း၄၅) နာရီအချိန်၌ ကျောင်းသားများနေထိုင်သည့် (၂)ထပ်ဆောင်နေအိမ်တစ်လုံးသည် လျှပ်စစ်ဝါယာကြိုးရှော့ဖြစ်ပြီး နေအိမ်မီးလောင်သွားခြင်းဖြစ်ပါသည်။

အဆိုပါမီးလောင်မှုဖြစ်ပွားခဲ့သည့်နေရာကို ပလောင်ပြည်နယ်လွတ်မြောက်ရေးတပ်ဦး PSLF/TNLA  မီးသတ်တပ်ဖွဲ့မှ မီးသတ်ကားများနှင့်အတူ ပြည်သူလူထုများက ဝိုင်းဝန်းငြိမ်းသတ်မှုကြောင့် နေ့လယ် (၁၂း၂၇)နာရီအချိန်တွင် မီးငြိမ်းသတ်နိုင်ခဲ့ပါသည်။

ထိုနေအိမ်အတွင်းရှိ ပစ္စည်းများအားလုံး မီးလောင်သွားခဲ့ပြီး စုစုပေါင်းကာလတန်ဖိုး သိန်း (၁၀၀)ခန့် မီးလောင်ဆုံးရှုံးသွားခဲ့သည်။

ပြီးခဲ့သည့် စက်တင်ဘာလ (၈)ရက်နေ့လည်း မိုးကုတ်မြို့၊ ရှောလီဝိုင်းရပ်ကွက်ရှိ နေအိမ်တစ်အိမ်သည် အမျိုးသား (၄)ဦးမှ ဂတ်အိုးဖြင့် ထမင်းချက်ရာတွင် ပေါက်ကွဲပြီး နေအိမ်မီးလောင်သွားခဲ့ပါသည်။

#PSLF/TNLA

#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်