မန်တုံမြို့တွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးသုံးစွဲသူအမျိုးသား (၃)ဦး ထပ်မံ ဖမ်းဆီးရမိ
29 August 2025
မန်တုံမြို့တွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးသုံးစွဲသူအမျိုးသား (၃)ဦး ထပ်မံ ဖမ်းဆီးရမိ
မန်တုံ၊ သြဂုတ်လ ၂၉ ရက်
တအာင်းပြည်သတင်း
တအာင်းပြည်၊ တပ်မဟာ (၅)နယ်မြေ၊ နမ့်ဆန်ခရိုင်၊ မန်တုံမြို့၊ စေကော်ကျေးရွာတွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးသုံးစွဲသူ အမျိုးသား (၃)ဦးကို ထပ်မံဖမ်းဆီးရမိခဲ့သည်။
ဖြစ်စဉ်တွင် ပြီးခဲ့သည့် သြဂုတ်လ(၂၂)ရက်နေ့၌ အသက် (၄၈)နှစ်ရှိ ဦးညီမန်နှင့် အသက် (၃၂)နှစ်အရွယ် ဦးစံမွန်းဆိုသူသည်နှင့်အတူ နေအိမ်ထဲဖမ်းဆီးရမိခဲ့သည်။ အလားတူ (၂၅)ရက်နေ့ နံနက် (၁၁း၀၀)နာရီအချိန်တွင်လည်း အသက် (၂၅)နှစ်အရွယ်ရှိ ဦးအချောဆိုသူသည် မြို့နယ်ရဲတပ်ဖွဲ့မှ ရှောင်သခင်စောင့်ဆိုင်ပြီးစစ်ဆေးနေချိန်တွင် ဖမ်းဆီးရမိခဲ့သည်။
ထိုမူးယစ်ဆေးဝါးသုံးစွဲသူအမျိုးသား (၃)ဦးကို တအာင်းပြည် မြို့နယ်ရဲတပ်ဖွဲ့မှ ဖမ်းဆီးသွားခဲ့ပြီး မူးယစ်ဆေးဝါးတိုက်ဖျက်ရေးဥပဒေနှင့်အညီအရေးယူဆောင်ရွက်သွားမည်ဖြစ်သည်။
ပြီးခဲ့သည့် သြဂုတ်လ (၂၃)ရက်တွင်လည်း အသက် (၄၅)နှစ်အရွယ်ရှိ ဒေါ်အိုင်ဆောင်၏နေအိမ်ကို ဝင်ရောက်စစ်ဆေးရာတွင် ယာမစိတ်ကြွဆေးပြား (၁၄၄)လုံးနှင့်အတူ ဖမ်းဆီးရမိခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ