မန်တုံမြို့တွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းဝယ်သူ အမျိုးသမီးတစ်ဦး ဖမ်းဆီးရမိ
28 August 2025
မန်တုံမြို့တွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းဝယ်သူ အမျိုးသမီးတစ်ဦး ဖမ်းဆီးရမိ
မန်တုံ၊ သြဂုတ်လ ၂၈ရက်
တအာင်းပြည်သတင်း
တအာင်းပြည်၊ တပ်မဟာ (၅)နယ်မြေ၊ နမ့်ဆန်ခရိုင်၊ မန်တုံမြို့နယ်၊ စေကော်ကျေးရွာတွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းဝယ်သူ အမျိုးသမီးတစ်ဦးကို ဖမ်းဆီးရမိခဲ့သည်။
ဖြစ်စဉ်တွင် ပြီးခဲ့သည့် သြဂုတ်လ (၂၃)ရက်နေ့ နံနက်(၈း၀၀)နာရီအချိန်၌ မြို့နယ်ရဲတပ်ဖွဲ့မှ ကင်းလှည့်နေစဥ် အသက် (၄၅)နှစ်ရှိ ဒေါ်အိုင်ဆောင်၏ နေအိမ်ကို ဝင်ရောက်စစ်ဆေးကြည့်ရာတွင် ယာမဆေးပြား (၁၄၄)ပြား သိမ်းဆီးရမိခဲ့သည်။
ထိုနောက်တွင် ၎င်းအမျိုးသမီးကို တအာင်းပြည် မြို့နယ်ရဲတပ်ဖွဲ့မှ ဖမ်းဆီးထိန်းသိမ်းထားခဲ့ပြီး မူးယစ်ဆေးဝါးတိုက်ဖျက်ရေးဥပဒေနှင့်အညီ အရေးယူဆောင်ရွက်သွားမည်ဖြစ်သည်။
တအာင်းပြည် မြို့နယ်ရဲတပ်ဖွဲ့သည် မန်တုံမြို့နယ်တွင် သြဂုတ်လအတွင်း မူးယစ်ဆေးဝါးရောင်းဝယ်သူ အမျိုးသား (၁)ဦးနှင့် သုံးစွဲသူ (၅)ဦးတို့ကို ဖမ်းဆီးရမိခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ