မိုးကုတ်မြို့တွင် စစ်ကောင်စီတပ်မှ ထပ်မံဗုံးကြဲတိုက်ခိုက်မှုကြောင့် ပြည်သူလူထု(၁)ဦး ထိခိုက်ဒဏ်ရာရ
26 August 2025
မိုးကုတ်မြို့တွင် စစ်ကောင်စီတပ်မှ ထပ်မံဗုံးကြဲတိုက်ခိုက်မှုကြောင့် ပြည်သူလူထု(၁)ဦး ထိခိုက်ဒဏ်ရာရ
မိုးကုတ်၊ ဩဂုတ်လ ၂၆ရက်
တအာင်းပြည်သတင်း
တအာင်းပြည်၊ တပ်မဟာ (၄)နယ်မြေ၊ မိုးကုတ်မြို့အရှေ့ပိုင်းတွင် စစ်ကောင်စီတပ်မှ လေကြောင်းဖြင့် ပေါင်(၂၅၀)ဗုံး (၂) လုံး လာရောက်ကြဲချတိုက်ခိုက်မှုကြောင့်
ပြည်သူလူထု(၁)ဦး ဗုံးစထိမှန်ဒဏ်ရာရရှိခဲ့သည်။
စစ်ကောင်စီတပ်သည် ယမန်နေ့ ည (၁၀း၅၅)နာရီအချိန်၌ မိုးကုတ်မြို့နယ်၊ စည်ပင်သာယာရပ်ကွက်တွင် တိုက်ပွဲဖြစ်ပွားခြင်းမရှိဘဲ လေကြောင်းဖြင့် ဗုံးလာရောက်ကြဲချတိုက်ခိုက်မှုကြောင့် ပြည်သူလူထု(၁)ဦး ထိခိုက်ဒဏ်ရာရရှိခဲ့ပြီး နေအိမ် (၅)အိမ် ပျက်စီးသွားခဲ့သည်။
ဩဂုတ်လအတွင်း မိုးကုတ်မြို့နယ်တွင် စစ်ကောင်စီတပ်မှ တိုက်ပွဲဖြစ်ပွားခြင်းမရှိဘဲ ပြည်သူလူထုကို ရည်ရွယ်ချက်ရှိရှိ လေကြောင်းအသုံးပြုပြီး (၂)ရက်နေ့တွင် တစ်ကြိမ်၊ (၁၀)ရက်နေ့တွင် တစ်ကြိမ်၊ (၁၄)ရက်နေ့တွင် တစ်ကြိမ်၊ (၁၇)ရက်နေ့တွင် တစ်ကြိမ်နှင့် (၁၈)ရက်နေ့တွင် တစ်ကြိမ် စုစုပေါင်း (၅)ကြိမ် ဗုံး(၁၁)လုံး လာရောက်ကြဲချတိုက်ခိုက်မှုကြောင့် သာမဏေ(၂)ပါး၊ ကလေးငယ်(၄)ဦး၊ အမျိုးသား(၁၈)ဦးနှင့် အမျိုးသမီး (၁၇)ဦးသေဆုံးပြီး သာမဏေ(၁)ပါး၊ အမျိုးသား(၁၉)ဦးနှင့် အမျိုးသမီး(၄)ဦးထိခိုက်ဒဏ်ရာရရှိကာ ပြည်သူလူထုနေအိမ်(၃၃)အိမ်၊ ဘုန်းကြီးကျောင်း (၆)ကျောင်း၊ ကား(၃)စီးနှင့် ဆိုင်ကယ် (၃)စီး ဗုံးစထိမှန်ပျက်စီးသွားခဲ့ပါသည်။
ထိုကြောင့် မိဘပြည်သူများအနေဖြင့် စစ်ကောင်စီ၏ဗုံးကြဲတိုက်ခိုက်မှုများရှောင်ရှားနိုင်ရန် စစ်ရေးသတိ အမြဲရှိရန်လိုအပ်ပြီး လေကြောင်းရန်မှကာကွယ်နိုင်ရန် လေကြောင်းရန်ကာကွယ်ရေးဆိုင် ရာနည်းလမ်းများ လိုက်နာဆောင် ရွက်ရန်လိုအပ်ပါသည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ