ကျောက်မဲမြို့တွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းဝယ်သူ(၁)ဦးဖမ်းဆီးရမိ
25 August 2025
ကျောက်မဲမြို့တွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းဝယ်သူ(၁)ဦးဖမ်းဆီးရမိ
ကျောက်မဲ၊ သြဂုတ်လ ၂၅ရက်
တအာင်းပြည်တသင်း
တအာင်းပြည်၊ တပ်မဟာ (၂)နယ်မြေ၊ ကျောက်မဲမြို့တွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းဝယ်သူ (၁)ဦးကို ဖမ်းဆီးရမိခဲ့ပါသည်။
ကျောက်မဲမြို့တွင် ပြီးခဲ့သည့် သြဂုတ်လ (၂၃)ရက်နေ့၌ စစ်ဆေးရေးဂိတ်တစ်ခုတွင် မြို့နယ်ရဲတပ်ဖွဲ့မှ ရှောင်တခင်စစ်ဆေးရာတွင် မူးယစ်ဆေးဝါးရောင်းဝယ်သူ အမျိုးသား (၁)ဦးဖမ်းဆီးရမိခဲ့သည်။
ထိုအမျိုးသားသည် အသက် (၅၄)နှစ်အရွယ် ဦးကျော်လှဖြစ်ပြီး ၎င်းထံ (WY) စာတန်းပါ စိတ်ကြွ ယာမဆေးပြား (၁၀,၀၀၀)ပြား၊ ဘိန်းဖြူထည့်ထားသည့် ဆပ်ပြာခွက်(၆)ခွက်နှင့် KENBO ဆိုင်ကယ်(၁)စီးတို့နှင့်အတူ ဖမ်းဆည်းရမိခဲ့သည်။
အဆိုပါ မူးယစ်ဆေးဝါးရောင်းဝယ်သူကို ပလောင်ပြည်နယ်လွတ်မြောက်ရေးတပ်ဦး PSLF/TNLA တပ်ဖွဲ့မှ မူးယစ်ဆေးဝါးတိုက်ဖျက်ရေးဥပဒေဖြင့် အရေးယူဆောင်ရွက်သွားမည်ဖြစ်ပြီး သုံးစွဲသူများကို အကျင့်စာရိတ္တပြုပြင်သွားမည်ဖြစ်သည်။
ပြီးခဲ့သည့် သြဂုတ်လ (၂၀)ရက်နေ့၌ နမ္မတူနှင့်မန်တုံမြို့နယ် စစ်ဆေးရေးဂိတ်တစ်ခုတွင် မြို့နယ်ရဲတပ်ဖွဲ့မှ ရှောင်တခင်စစ်ဆေးရာတွင် မူးယစ်ဆေးဝါးရောင်းဝယ်သူအမျိုးသမီး (၁)ဦး၊ သုံးစွဲသူအမျိုးသား (၅)ဦးနှင့်အတူ ယာမဆေးပြား (၆၀)ပြား၊ ဘိန်းဖြူထည့်ထားသည့်ဆေးဗူးအသေး (၇)ဗူးတို့ ဖမ်းဆီးထိန်းသိမ်းရမိခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ