နမ့်ခမ်းမြို့တွင် တအာင်းပြည် မြို့နယ်ရဲတပ်ဖွဲ့မှ နေအိမ်ဖောက်ထွင်းသူနှင့် ဆိုင်ကယ်ခိုးသူအပါအဝင် (၅)ဦး ဖမ်းဆီးရမိ
24 August 2025
နမ့်ခမ်းမြို့တွင် တအာင်းပြည် မြို့နယ်ရဲတပ်ဖွဲ့မှ နေအိမ်ဖောက်ထွင်းသူနှင့် ဆိုင်ကယ်ခိုးသူအပါအဝင် (၅)ဦး ဖမ်းဆီးရမိ
နမ့်ခမ်း၊ သြဂုတ်လ ၂၄ရက်
တအာင်းပြည်တသင်း
တအာင်းပြည်၊ တပ်မဟာ (၆)နယ်မြေ၊ နမ့်ခမ်းမြို့တွင် တအာင်းပြည် မြို့နယ်ရဲတပ်ဖွဲ့မှ နေအိမ်ဖောက်ထွင်းသူနှင့် ဆိုင်ကယ်ခိုးသူအပါအဝင် (၅)ဦးတို့ကို ဖမ်းဆီးရမိခဲ့ပါသည်။
ထိုအမျိုးသားများသည် နမ့်ခမ်းမြို့အတွင်း ဆိုင်ကယ်များကို လိုက်လံခိုးယူနေပြီး နေအိမ်ကိုလည်း ဖောက်ထွင်းဝင်ရောက်ခိုးယူနေသောကြောင့် ပြည်သူလူ ထုများမှ မြို့နယ်ရဲတပ်ဖွဲ့ထံ လာရောက်တိုင်ကြားခဲ့ပါသည်။
၎င်းနောက်တွင် တအာင်ပြည် မြို့နယ်ရဲတပ်ဖွဲ့မှ စုံစမ်းစစ်ဆေးမှုများပြုလုပ်ပြီး လိုက်လံဖမ်းဆီးရာ၌ ယခုလအတွင်း ဖမ်းဆီးရမိနိုင်ပါသည်။
အဆိုပါအမျိုးသားများသည် အသက် (၃၄)နှစ်အရွယ် ဦးအားခေါ်၊ အသက်(၄၀) နှစ်အရွယ် ဦးယိုကျုံထွန်း၊ အသက်(၂၄) နှစ်အရွယ် ကိုကောင်းလင်း၊ အသက် (၃၃)နှစ်အရွယ် ဦးဖါယီနှင့်အသက် (၄၁)နှစ်အရွယ် ဦးမြတ်ရွှေတို့ ဖြစ်ကြပါသည်။
တအာင်းပြည် မြို့နယ်ရဲတပ်ဖွဲ့မှ ၎င်းတို့ခိုးယူထားသည့် ဆိုင်ကယ် (၁၂)စီးနှင့်အတူ ယာမဆေးပြား (၄၈၄)ပြား၊ ဖုန်း (၅)လုံးတို့ကိုလည်း သိမ်းဆည်းရမိခဲ့ပါသည်။
ထိုနောက်တွင် ၎င်းတို့ခိုးယူထားသည် ဆိုင်ကယ်များကိုလည်း သက်ဆိုင်ရာပိုင်ရှင်ထံ မြို့နယ်ရဲတပ်ဖွဲ့မှ ပြန်လည်အပ်နှံ့ပေးခဲ့ပြီး ၎င်းသူခိုးများကိုလည်း ပြည်သူလူထုများ သိရှိအောင် မြို့အတွင်း လှည့်လည်ပြသပေးခဲ့ပါသည်။
အဆိုပါဖမ်းဆီးရမိထားသည့်သူခိုးများကို တအာင်းပြည် ရဲတပ်ဖွဲ့မှ ဥပဒေနှင့်အညီ အရေးယူဆောင်ရွက်သွားမည်ဖြစ်ပါသည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ