21 August 2025

ကျောက်မဲမြို့နယ်တွင် စစ်ကောင်စီတပ်မှ ဗုံးကြဲပစ်ခတ်တိုက်ခိုက်မှုကြောင့် ပြည်သူလူထုနေအိမ် (၆)အိမ် ဗုံးစထိမှန်ပျက်စီး

ကျောက်မဲ၊ ဩဂုတ်လ ၂၁ရက်
တအာင်းပြည်သတင်း

တအာင်းပြည်၊ တပ်မဟာ (၂)နယ်မြေ၊ ကျောက်မဲမြို့နယ်တွင် စစ်ကောင်စီတပ်မှ လေကြောင်းဖြင့် ပေါင်(၂၅၀)ဗုံး (၂)လုံးနှင့် လက်နက်ကြီး (၁၁)လုံး ပစ်ခတ်တိုက်ခိုက်မှုကြောင့် ပြည်သူလူထုနေအိမ် (၆)အိမ် ဗုံးစထိမှန်ပျက်စီးသွားခဲ့ပါသည်။

စစ်ကောင်စီတပ်သည် ပြီးခဲ့သည့် သြဂုတ်လ (၁၉)ရက်နေ့၌ တိုက်ပွဲဖြစ်ပွားခြင်းမရှိဘဲ ပင်တိန်ကျေးရွာတွင် လေကြောင်းဖြင့် ဗုံး (၂)လုံးသော်လည်းကောင်း၊ ပင်တိန်နှင့် နောင်ပိန်းကျေးရွာကြားတွင် လက်နက်ကြီး (၇)လုံးသော်လည်းကောင်း၊ ကျောင်းကုန်းကျေးရွာတွင် လက်နက်ကြီး (၄)လုံးသော်လည်းကောင်း ပစ်ခတ်တိုက်ခိုက်ခဲ့ပါသည်။

ထိုဗုံးနှင့်လက်နက်ကြီးပေါက်ကွဲမှုကြောင့် ပင်တိန်ကျေးရွာရှိ ပြည်သူလူထုနေအိမ် (၄)အိမ်၊ ပင်တိန်နှင့် နောင်ပိန်ကျေးရွာကြားရှိ ပြည်သူလူထုနေအိမ် (၂)အိမ်တို့ ဗုံးစထိမှန်ပျက်စီးသွားခဲ့ပါသည်။ ထိုနောက် ကျောင်းကုန်း‌ကျေးရွာလည်း လက်နက်ကြီးကြောင့် ပြည်သူလူထုများ၏ ပြောင်းဖူးခင်းအများအပြား ပျက်စီးသွားခဲ့ပါသည်။

အလားတူ ပြီးခဲ့သည့် သြဂုတ်လ (၁၈)ရက်နေ့လည်း ကျောက်မဲမြို့နယ်၊ ပင်တိန်ကျေးရွာတွင်  စစ်ကောင်စီတပ်မှ တိုက်ပွဲဖြစ်ပွားခြင်းမရှိဘဲ ဒရုန်းဖြင့် ဗုံး (၃)လုံးနှင့် ကျောင်းကုန်ကျေးရွာတွင် လက်နက်ကြီး (၂)လုံး လာရောက်ကြဲချတိုက်ခိုက်မှုကြောင့် ပြည်သူလူထု (၁)ဦးသေဆုံးခဲ့ပြီး‌ နေအိမ် (၂)အိမ်လည်း ဗုံးစထိမှန်ပျက်စီးခဲ့သည်။

ထိုကြောင့် မိဘပြည်သူများအနေဖြင့် စစ်ကောင်စီ၏ဗုံးကြဲတိုက်ခိုက်မှုများရှောင်ရှားနိုင်ရန် စစ်ရေးသတိ အမြဲရှိရန်လိုအပ်ပြီး လေကြောင်းရန်မှကာကွယ်နိုင်ရန် လေကြောင်းရန်ကာကွယ်ရေးဆိုင်ရာနည်းလမ်း များ လိုက်နာဆောင်ရွက်ရန်လိုအပ်ပါသည်။

#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်