နမ့်ဆန်မြို့နယ်တွင် တအာင်းပြည် မြို့နယ်ရဲတပ်ဖွဲ့မှ လက်နက်ရောင်းဝယ်သူအမျိုးသား (၃)ဦး ဖမ်းဆီးရမိ
21 August 2025
နမ့်ဆန်မြို့နယ်တွင် တအာင်းပြည် မြို့နယ်ရဲတပ်ဖွဲ့မှ လက်နက်ရောင်းဝယ်သူအမျိုးသား (၃)ဦး ဖမ်းဆီးရမိ
နမ့်ဆန်၊ သြဂုတ်လ ၂၁ရက်
တအာင်းပြည်သတင်း
တအာင်းပြည်၊ တပ်မဟာ (၉)နယ်မြေ၊ နမ့်ဆန်မြို့နယ်တွင် ပလောင်ပြည်နယ်လွတ်မြောက်ရေးတပ်ဦး PSLF/TNLA တအာင်းပြည် မြို့နယ်ရဲတပ်ဖွဲ့မှ လက် နက်ရောင်းဝယ်သူအမျိုးသား (၃)ဦးတို့ကို ဖမ်းဆီးရမိခဲ့သည်။
ဖြစ်စဥ်တွင် ပြီးခဲ့သည့် သြဂုတ်လ (၁၀) ရက်နေ့၌ မြို့နယ်ရဲတပ်ဖွဲ့မှ သတင်း ရရှိမှုကြောင့် စုံးစမ်းစစ်ဆေးမှုများ ဆောင် ရွက်နေစဉ် လက်နက်ရောင်းဝယ်သူတို့ထံ AK သေနတ် (၁)လက်၊ M-22 သေနတ် (၁)လက်၊ MA-3 သေနတ် (၁)လက်၊ သေနတ်နှင့်ဆက်စပ်သည့်ပစ္စည်းများကို သိမ်းဆည်းရမိခဲ့ပါသည်။
အဆိုပါအမျိုးသားတို့ကို တအာင်းပြည် ရဲတပ်ဖွဲ့မှ ဖမ်းဆီးထိန်းသိမ်းထားခဲ့ပြီး လက်နတ်ဥပဒေနှင့်အညီ အရေးယူဆောင်ရွက်သွားမည်ဖြစ်သည်။
ပြီးခဲ့သည့် ဇွန်လ (၁၇)ရက်နေ့လည်း ကွတ်ခိုင်မြို့နယ်၊ ဟိုကျန့်ကျေးရွာတွင် ပလောင်ပြည်နယ်လွှတ်မြောက်ရေးတပ်ဦး PSLF/TNLA တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးနှင့် လက်နက်ပစ္စည်းအများအပြားဖမ်းဆီးရမိခဲ့ပါသည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ