မိုင်းငေါ့မြို့တွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းဝယ်သုံးစွဲသူတစ်ဦး ဖမ်းဆီးရမိ
19 August 2025
မိုင်းငေါ့မြို့တွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းဝယ်သုံးစွဲသူတစ်ဦး ဖမ်းဆီးရမိ
မိုင်းငေါ့၊ သြဂုတ် ၁၉ရက်
တအာင်းပြည်သတင်း
တအာင်းပြည်၊ တပ်မဟာ (၁)နယ်မြေ၊ မိုင်းငေါ့မြို့တွင် ပလောင်ပြည်နယ်လွတ်မြောက်ရေးတပ်ဦး PSLF/TNLA တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းဝယ်သုံးစွဲသူ အမျိုးသားတစ်ဦးကို ဖမ်းဆီးရမိခဲ့သည်။
ပြီးခဲ့သည့် သြဂုတ်လ (၁၅)ရက်နေ့၌ မြို့နယ်ရဲတပ်ဖွဲ့မှ သတင်းရရှိမှုကြောင့် မူးယစ်ဆေးဝါးသယ်ဆောင်လာသည့် ဦးထွန်းသိန်းကို သွားရောက်ဖမ်းဆီးမှုပြုလုပ်နေစဉ်အတွင်း ထိုအမျိုးသားမှ ထွက်ပြေးခဲ့ပါသည်။ ထိုနောက် တအာင်းပြည် မြို့နယ်ရဲတပ်ဖွဲ့မှ လိုက်လံဖမ်းဆီးမှုများပြုလုပ်ရာတွင် မန်နောင့်ကျေးရွာရှိ လယ်ကွက်တစ်ခု၌ ဖမ်းဆီးရမိခဲ့သည့်။
အဆိုပါအမျိုးသားထံ ယာမဆေးပြား (၈၆)ပြားနှင့်အတူ သိမ်းဆီးရမိခဲ့ပြီး ၎င်းကို မူးယစ်ဆေးဝါးတိုက်ဖျက်ရေးဥပဒေနှင့်အညီ အရေးယူဆောင်ရွက်သွားမည်ဖြစ်သည်။
အလားတူ ပြီးခဲ့သည့် ဇူလိုင်လ နောက် ဆုံးပတ်အတွင်း မိုင်းငေါ့မြို့နယ်တွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းသူ (၄)ဦးနှင့် သုံးစွဲသူ (၉)ဦးတို့ကို ဖမ်းဆီးအရေးယူနိုင်ခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ